کورونا کی تیسری لہر کے خاتمے کے ساتھ ہی سنیما ہال منظرعام پر آگئے۔ تاہم سائنسدانوں نے جون میں چوتھی لہر کا خدشہ بھی ظاہر کیا ہے جس سے بالی ووڈ میں مایوسی دکھائی دے رہی ہے۔ یہی وجہ ہے کہ فلمساز اپنی فلمیں ریلیز کرنے میں جلدی میں دکھائی دے رہے ہیں۔ اس بار ہولی کے رنگوں کے ساتھ مارچ میں کون کون سی فلمیں ناظرین کے لیے نئے رنگ لے کر آرہی ہیں، آیئے جانتے ہیں۔

ہولی سے پہلے 'رادھے شیام'

کورونا کی وجہ سے ساؤتھ فلم انڈسٹری کے سپر اسٹار پربھاس اور بالی ووڈ-ٹالی ووڈ انڈسٹری کی معروف اداکارہ پوجا ہیگڑے کی فلم رادھے شیام کی ریلیز کی تاریخ کئی بار ملتوی کی جا چکی ہے تاہم اب حالات معمول پر آنے کے بعد یہ فلم  11 مارچ  کو دنیا بھر کے سینما گھروں میں ریلیز کے لئے تیار ہے۔

کشمیر فائلز

کشمیری پنڈتوں پر مبنی فلم دی کشمیر فائلز کا بھی شائقین کو کافی عرصے سے انتظار تھا۔ انوپم کھیر اپنے سوشل میڈیا اکاؤنٹس پر مداحوں کو اس فلم کے بارے میں مسلسل اپ ڈیٹ کر رہے ہیں۔ اب بہت انتظار کی جانے والی فلم دی کشمیر فائلز 11 مارچ کو سینما گھروں کی زینت بننے جا رہی ہے۔ فلم میں متھن چکرورتی، انوپم کھیر، درشن کمار نے مرکزی کردار ادا کئے ہیں، جب کہ ڈائریکشن وویک اگنی ہوتری نے دی ہے۔ حال ہی میں فلم کا ٹریلر ریلیز ہوا، جسے شائقین کی جانب سے کافی پذیرائی ملی۔

بچن پانڈے

اکشے کمار کی بچن پانڈے بھی کافی دنوں سے سرخیوں میں ہے۔ اکشے کمار کی فلم ہولی کے خاص موقع پر سینما گھروں میں ریلیز کے لئے تیار ہے۔ ایکشن، رومانس، کامیڈی اور ڈرامے سے بھرپور اس فلم میں اکشے کمار کے ساتھ کریتی سینن، جیکلین فرنانڈس اور ارشد وارثی بھی مرکزی کردار ادا کر رہے ہیں۔

جلسہ

فلم جلسہ، جس میں ودیا بالن، شیفالی شاہ، مانو کول اور روہنی ہتنگڈی اداکاری کر رہے ہیں، 18 مارچ کو او ٹی ٹی پلیٹ فارم ایمیزون پرائم ویڈیو پر بھی ریلیز ہو رہی ہے۔ جلسہ دنیا کے 240 ممالک میں بیک وقت ریلیز کی جائے گی۔