بھارت سمیت 13 ممالک نے ووٹنگ میں حصہ نہیں لیا

چین روس سمیت پانچ ممالک نے اس تجویز کی مخالفت کی

یوکرین پر روسی حملے کو لے کر اقوام متحدہ اور اس سے منسلک ادارے مسلسل متحرک ہیں۔ تمام تنظیمیں مختلف طریقوں سے روس پر دباؤ ڈالنے کی کوشش کر رہی ہیں۔ اسی سلسلے میں اقوام متحدہ کی انسانی حقوق کونسل نے یوکرین میں انسانی حقوق کی خلاف ورزیوں پر تشویش کا اظہار کرتے ہوئے اس معاملے پر ہنگامی بحث کی تجویز پیش کی۔ 47 ممالک پر مشتمل اقوام متحدہ کی انسانی حقوق کونسل میں 29 ممالک نے بحث کی حمایت کی۔ جب کہ چین اور روس سمیت 5 ممالک کھلے عام احتجاج میں آ گئے۔ اس کے ساتھ ہی بھارت سمیت 13 ممالک نے ووٹنگ میں حصہ نہیں لیا۔

اقوام متحدہ کی انسانی حقوق کونسل کے اجلاس کے دوران یوکرین کے بحران کا مسئلہ حاوی رہا۔ اقوام متحدہ کی ہائی کمشنر برائے انسانی حقوق مشیل بیچلیٹ نے یوکرین میں فوجی حملوں کے دوران شہریوں کی ہلاکتوں کی بڑھتی ہوئی تعداد پر شدید تشویش کا اظہار کرتے ہوئے کہا ہے کہ ان گنت جانوں کو خطرہ لاحق ہو گیاہے۔

یوکرین نے روس کے خصوصی فوجی آپریشن کے معاملے پر فوری بات چیت کا مطالبہ کیا۔ اس کے بعد 47 رکن ممالک کو اس مطالبے پر ووٹ کرنے کو کہا گیا۔ 29 ممالک نے اس کے حق میں ووٹ دیا۔ اور پانچ ووٹ مخالفت میں پڑے۔ 13 ممالک نے ووٹنگ سے پرہیز کیا۔

اب جمعرات کو تین بجے بحث کرنے کا فیصلہ کیا گیا ہے۔ اس ووٹ میں غیر حاضر رہنے والوں میں بھارت بھی شامل ہے۔ اس سے قبل بھارت 26 فروری کو یوکرین پر روسی حملے کو روکنے اور فوج کو واپس بلانے کی قرارداد پر اقوام متحدہ کی سلامتی کونسل میں ووٹنگ سے بھی غیر حاضر رہا تھا۔