نئی دہلی، 09 مارچ (انڈیا نیرٹیو)

ملک میں کورونا وائرس کے نئے کیسز میں کمی ریکارڈ کی جا رہی ہے۔ بدھ کی صبح تک گزشتہ 24 گھنٹوں کے دوران 4,575 نئے کورونا متاثرہ مریض پائے گئے۔ اس عرصے کے دوران کورونا کی وبا کو شکست دینے والے افراد کی تعداد 7 ہزار 416 تھی جب کہ 145 کورونا سے متاثرہ مریض کی موت ہوگئی۔

مرکزی وزارت صحت کے مطابق ملک میں کورونا وائرس سے صحت یاب ہونے والوں کی کل تعداد 4 کروڑ 24 لاکھ 13 ہزار 566 ہو گئی ہے۔ اس دوران صحت یابی کی شرح 98.69 فیصد تک بڑھ گئی۔ اس وقت ملک میں فعال مریضوں کی تعداد کم ہو کر 46 ہزار 962 رہ گئی ہے۔ وہیں، روزانہ انفیکشن کی شرح 0.51 فیصد ہے۔

آئی سی ایم آر کے مطابق گزشتہ 24 گھنٹوں میں 08 لاکھ 97 ہزار سے زیادہ ٹیسٹ کیے گئے۔ اب تک کل 77 کروڑ 52 لاکھ ٹیسٹ ہو چکے ہیں۔

ملک میں 179.33 کروڑ اینٹی کورونا ویکسین لگائی گئیں

کورونا وبا کے خلاف جنگ میں موثر ویکسینیشن مہم کے تحت گزشتہ 24 گھنٹوں کے دوران ملک میں 19 لاکھ سے زائد ویکسین لگائی گئیں۔ اس کے ساتھ ملک میں اب تک 179 کروڑ 33 لاکھ اینٹی کورونا وائرس ویکسین لگائی جا چکی ہیں۔

مرکزی وزارت صحت کے مطابق بدھ کی صبح تک ریاستوں اور مرکز کے زیر انتظام علاقوں کو ویکسین کی 180 کروڑ، 30 لاکھ مفت خوراکیں فراہم کی گئی ہیں۔ ریاستوں کے پاس اب بھی ویکسین کی 15.80 کروڑ خوراکیں موجود ہیں۔