ریاست کی 403 اسمبلی سیٹوں کے نتائج یکے بعد دیگرے آنے لگے ہیں۔ رجحانات کے درمیان گورکھپور شہر اسمبلی حلقے سے  بی جے پی امیدوار اور وزیر اعلی یوگی آدتیہ ناتھ نے بڑے فرق سے کامیابی حاصل کی۔ انہوں نے بی جے پی کی جیت پر ریاست کے عوام کا شکریہ ادا کیا۔ انہوں نے کہا کہ میں اس زبردست جیت پر عوام کا شکریہ ادا کرتا ہوں۔

جیت کے بعد جشن منانے والے بی جے پی کارکنوں سے خطاب کرتے ہوئے یوگی آدتیہ ناتھ نے کہا کہ ترقی کو مزید طاقت کے ساتھ آگے بڑھانا ہے۔ لکھنؤ میں بی جے پی کے ریاستی دفتر میں انہوں نے کہا کہ یہ جیت ہمیں ذمہ داری کا پیغام بھی دیتی ہے۔ ترقیاتی کام عوام کی امنگوں کے مطابق کرنے ہیں۔

یوگی نے مزید کہا کہ ہمیں دنیا کے مقبول لیڈر اور ہمارے وزیر اعظم نریندر مودی کی قیادت میں مسلسل آگے بڑھنا ہے۔ اس دوران انہوں نے پرامن طریقے سے انتخابات کرانے پر الیکشن کمیشن کا شکریہ بھی ادا کیا۔

گورکھپور سے لکھنؤ تک کارکنوں نے جشن منانا شروع کر دیا ہے۔ بی جے پی  گورکھپور ڈوکمشنری کے مہاراج گنج، گورکھپور، کشی نگر اور دیوریا اضلاع میں بھی بہتر کارکردگی کا مظاہرہ کر رہی ہے۔

یوگی کانظرآیا اثر

اسمبلی انتخابات کے نتائج میں وزیر اعلی یوگی آدتیہ ناتھ کا اثر نظرآیا۔بالخصوص گورکھپورکمشنری میں ان کا اثر بہت زیادہ دکھائی دیا۔ گورکھپور شہر سے بھارتیہ جنتا پارٹی کے امیدوار یوگی آدتیہ ناتھ نے نہ صرف اپنی سیٹ ریکارڈ ووٹوں سے جیتی بلکہ گورکھپور کمشنری  کے چار اضلاع کی تمام سیٹوں پر بھی ان اثردکھائی دیا۔

شہر میں جشن کاماحول

گورکھپور میں لوگوں نے جشن منانا شروع کر دیا ہے۔ ضلع بی جے پی دفتر، گنتی کی جگہ، گورکھپور یونیورسٹی اور گورکھ ناتھ مندر سمیت شہر کے دیگر مقامات پر لوگوں نے ڈھول اور تاشے بجا کر جشن منایا۔ اس دوران بی جے پی کارکنوں نے کہا کہ یہ ترقی کی جیت ہے۔ سب کا ساتھ سب کا وکاس کی جیت ہے۔

حامیوں نے گورکھ ناتھ مندر میں پھولوں کی ہولی کھیلی

گورکھ ناتھ مندر میں بی جے پی کے کارکنوں اور حامیوں کی بڑی تعداد نعرے لگاتی ہوئی نظرآئی  اور پھولوں اور گلالوں کی ہولی کھیلی جا رہی ہے۔ بی جے پی کارکنوں نے ایک دوسرے کو مٹھائی کھلا کر مبارکباد دی۔