جکارتہ ،17مارچ

سنکیانگ میں چین کی طرف سے انسانی حقوق کی خلاف ورزیوں کے بارے میں انڈونیشیا میں بیداری پیدا کرنے اور اس بات کو بے نقاب کرنے کی کوشش میں کہ کیوں کچھ ترقی پذیر ممالک چین کے مقروض ہیں اس کی طرف آنکھیں بند کر لیتے ہیں، مرکز برائے جنوب مشرقی ایشیائی مطالعات نے "اویغور مسلمانوں پر چین کے مظالم: بہت سے ممالک خاموش کیوں ہیں؟" کے عنوان سے یہاں جکارتہ میں  ایک بین الاقوامی ویبینار کا انعقاد کیا۔ ویبینار میں نمایاں رہنماؤں نے کہا کہ چین ملک سے اویغور ثقافت کو ختم کرنے کی کوشش کر رہا ہے۔

ویبنارکی نظامت حمدیہ یونیورسٹی جکارتہ کے ڈاکٹر اسپ سیٹیوان نے   کی۔ اس میں بہت نمایاں مقررین شامل تھے، جن میں عمر کنات (ایگزیکٹیو ڈائریکٹر ایغور ہیومن رائٹس پروجیکٹ، واشنگٹن(، پروفیسر جیمز لیبولڈ (لا ٹروب یونیورسٹی میلبورن، آسٹریلیا سے(، ڈینا پرپٹو رہارجو (بائنس یونیورسٹی، جکارتہ سے) اور ڈاکٹر ایاز وانی شامل تھے۔  عمر کنات نے ویبنار سے خطاب کرتے ہوئے کہا، مسلم دنیا کی جانب سے ردعمل کی کمی ایغوروں کے حوصلے پست کر رہی ہے۔ بہت سے مسلم اکثریتی ممالک کی قیادت خاموش ہے، جب کہ دیگر نے چینی حکومت کے اقدامات کی زبانی منظوری دی ہے۔ ڈاکٹر اعجاز وانی نے ویبنار کے دوران نوٹ کیا کہ معاشی طور پر، چین کے مقروض اور سیاسی اسلام کی چین کی حکمت عملی کے مطابق، جنوبی ایشیا کے کچھ مسلم ممالک جیسے پاکستان اور بنگلہ دیش نے سنکیانگ میں مسلمانوں پر ہونے والے مظالم پر آنکھیں بند کر رکھی ہیں۔

مزید برآں، پروفیسر جیمز لیبولڈ نے نشاندہی کی کہ لوگ سنکیانگ میں انسانی حقوق کی صورتحال سے آگاہ نہیں ہیں کیونکہ کم معلومات موجود ہیں۔ انہوں نے کہا کہ "یہاں ایک عمومی، حقیقی علم کا فرق ہے۔ مسلم دنیا کے میڈیا اور سوشل میڈیا کے منظر نامے میں سنکیانگ اور ایغور لوگوں کے لیے جو کچھ ہو رہا ہے اس کے بارے میں بہت کم معلومات دستیاب ہیں۔