نئی دہلی، 20 مارچ (انڈیا نیرٹیو)

اسرائیلی وزیر اعظم نفتالی بینیٹ وزیر اعظم نریندر مودی کی دعوت پر 2 اپریل کو ہندوستان کے اپنے پہلے سرکاری دورے پر نئی دہلی پہنچیں گے۔

دونوں رہنماؤں کی پہلی ملاقات گزشتہ اکتوبر میں گلاسگو میں اقوام متحدہ کی موسمیاتی تبدیلی کانفرنس (کاپ26) کے موقع پر ہوئی تھی۔ اسی دوران وزیر اعظم مودی نے اپنے اسرائیلی ہم منصب بینیٹ کو ہندوستان کے دورے کی دعوت دی تھی۔

حکومت اسرائیل کی طرف سے دورے کے بارے میں معلومات دی گئی ہیں۔ اس کے مطابق اس دورے سے دونوں ممالک کے درمیان سفارتی تعلقات قائم  ہونے کی تیسویں سالگرہ کی یادگار ہوگی۔   دورے کا مقصد ممالک کے درمیان اسٹریٹجک اتحاد کو آگے بڑھانا اور دوطرفہ تعلقات کو وسعت دینا ہے۔

اس کے علاوہ دونوں رہنما جدت، معیشت، تحقیق و ترقی، زراعت اور دیگر مختلف شعبوں میں تعاون کو مضبوط بنانے پر تبادلہ خیال کریں گے۔ وزیر اعظم بینیٹ اپنے دورے کے دوران ہندوستانی وزیر اعظم مودی اور دیگر اعلیٰ حکومتی عہدیداروں سے ملاقات کے علاوہ ملک میں موجود یہودی برادری سے بھی ملاقات کریں گے۔

اس دورے پر خوشی کا اظہار کرتے ہوئے وزیر اعظم نفتالی بینیٹ نے کہا کہ وزیر اعظم مودی نے ہندوستان اور اسرائیل کے درمیان تعلقات کو دوبارہ شروع کیا ہے اور اس کی تاریخی اہمیت ہے۔ ہماری دو منفرد ثقافتوں – ہندوستانی ثقافت اور یہودی ثقافت کے درمیان تعلقات گہرے ہیں۔