نئی دہلی، 23 مارچ (انڈیا نیرٹیو)

ملک میں کورونا وائرس سے متاثرہ افراد کی تعداد میں مسلسل کمی ا?رہی ہے۔ بدھ کی صبح 7 بجے تک گزشتہ 24 گھنٹوں کے دوران 1ہزار 778 نئے کورونا متاثر مریض پائے گئے ہیں۔ اس دوران کورونا کی وبا کو شکست دینے والے افراد کی تعداد 2542 رہی۔ اس کے ساتھ ہی 62 کورونا سے متاثر مریضوں کی موت ہو گئی۔

مرکزی وزارت صحت کے مطابق ملک میں کورونا سے صحت یاب ہونے والوں کی کل تعداد 4 کروڑ 24 لاکھ 73 ہزار 57 ہوگئی ہے۔جب کہ ریکوری شرح بڑھ کر 98.75 فیصد تک پہنچگئی ہے۔ فی الحال ملک میں فعال مریضوں کی تعداد کم ہو کر 23 ہزار 87 ہو گئی ہے۔وہیں روزانہ انفیکشن شرح 0.26 فیصد ہے۔

آئی سی ایم آر کے مطابق گزشتہ 24 گھنٹوں میں 06 لاکھ، 77 ہزار سے زیادہ ٹیسٹ کیے گئے۔ قابل ذکر ہے کہ اب تک کل 78 کروڑ 42 لاکھ ٹیسٹ کیے جا چکے ہیں۔

ملک میں اب تک 81.89 کروڑ سے زیادہ لگے کورونا اینٹی ٹیکے

ملک گیر ویکسینیشن پروگرام مہم کے تحت بدھ کی صبح 7 بجے تک مجموعی طور پر 181 کروڑ 89 لاکھ سے زیادہ اینٹی کورونا ویکسین کی خوراکیں دی جا چکی ہیں۔ ساتھ ہی گزشتہ 24 گھنٹوں میں 30 لاکھ سے زیادہ ویکسین لگائی گئیں۔

مرکزی وزارت صحت کی طرف سے بدھ کی صبح جاری کردہ اعداد و شمار کے مطابق ریاستوں اور مرکز کے زیر انتظام صوبوں کو اینٹی کورونا ویکسین کی کل 184.03 کروڑ خوراکیں مفت فراہم کی گئی ہیں۔ ان میں سے 16.97 کروڑ ویکسین کی خوراکیں اب بھی ریاستوں اور مرکز کے زیر انتظام صوبوں کے پاس دستیاب ہیں۔