متحدہ عرب امارات کے سرمایہ کاروں کے ایک وفد کے ارکان جو منگل  سے جموں و کشمیر کے دورے پر ہیں نے  یو ٹی کے کاریگروں سے بات چیت کی۔ اس دوران لیفٹیننٹ گورنر منوج سنہا وفد کے ہمراہ تھے ۔خلیجی ممالک کا وفد وادی کے تین روزہ دورے پر ہے۔  میڈیا سے بات کرتے ہوئے، اماراتی مندوب عبداللہ الشیبانی نے ہندوستان اور خاص طور پر جموں و کشمیر کی اس کی دلکش خوبصورتی کی تعریف کی۔کشمیر بہت اچھی جگہ ہے۔

اس کے خوبصورت مناظر ہیں اور وادی کے لوگ اچھے ہیں۔اماراتی مندوب نے کہا کہ بہت ساری چیزیں ہیں جو لوگ خود کر سکتے ہیں۔  ہم جموں و کشمیر کے اپنے دورے سے بہت متاثر ہوئے ہیں، یہاں کے لوگوں میں بہت زیادہ صلاحیتیں ہیں۔ اس سے پہلے دن میں، لیفٹیننٹ گورنر منوج سنہا نے خلیجی سرمایہ کاری سمٹ میں شرکت کی اور بتایا کہ جموں و کشمیر انتظامیہ نے 27,000 کروڑ روپے کی سرمایہ کاری کی تجاویز کو منظوری دی ہے۔  سمٹ میں دبئی، متحدہ عرب امارات، ہالینڈ سمیت مختلف ممالک کے تاجروں اور سی ای اوز نے شرکت کی۔

اس موقع پر خطاب کرتے ہوئے سنہا نے کہا کہ سرمایہ کاری کے نتیجہ خیز ہونے کے بعد تقریباً چھ سے سات لاکھ لوگوں کو نوکریاں ملیں گی۔ہم نے 27,000 کروڑ روپے کی سرمایہ کاری کی تجاویز کو منظوری دی ہے اور امید ہے کہ یہ متعدد شعبوں میں 70,000 کروڑ روپے سے تجاوز کر جائے گی۔  سنہا نے پریس کانفرنس سے خطاب کرتے ہوئے کہا کہ جب سرمایہ کاری کا نتیجہ نکلے گا تو 6-7 لاکھ لوگوں کو نوکریاں ملیں گی۔  جموں و کشمیر حکومت تعلقات کو مضبوط بنانے اور خطے میں سرمایہ کاری کے مواقع کو فروغ دینے کے لیے سری نگر میں خلیجی سرمایہ کاری سمٹ کی میزبانی کر رہی ہے۔