مولانا آزاد میموریل کالج جموں میں ”اردو شاعری میں عورت کا مقام“کے موضوع پر تقریری مقابلے کا آن لائن اہتمام
جموں//شعبہ اُردو مولانا آزاد میموریل کالج جموں میں شعبہُ اردو اور آئی کیواے سی کے اشتراک سے”تقریری مقابلہ “کااہتمام کیاگیاجس کی صدارت کے فرائض کالج ہذاکے پرنسپل پروفیسرجی ایس رکوال نے انجام دیئے۔اس مقابلے میں شعبہ اردو سے وابستہ ۱۰ طلباءو طالبات نے حصہ لیا ، جن میں سے جج صاحبان نے محمد شاہد اقبال کوپہلی پوزیشن ،اضحا اسما کودوسری پوزیشن اور ثاقب فاروق کوتیسری پوزیشن پرفاتح قراردیا۔کنوینرآئی کیواے سی پروفیسرنیرج شرمااورصدرشعبہ اُردو ڈاکٹرشہنازقادری نے شاندارکارکردگی کامظاہرہ کرنے کےلئے طلباءکومبارک باد دیتے ہوئے ان کی حوصلہ افزائی کی۔اس دوران تقریب میں کالج کے دیگرفیکلٹی ممبران بھی موجودرہے۔
