سوشل میڈیا پر ایکٹو رہنے والے بالی ووڈ کے میگا اسٹار امیتابھ بچن ان دنوں اپنی ایک فلم کی شوٹنگ کے سلسلے میں اتراکھنڈ کے شہر رشی کیش پہنچ گئے ہیں۔ جہاں سے ان کی کئی تصاویر وائرل ہوئیں۔ اب بگ بی   گنگا کی گود میں ان کا آشیرواد لینے پہنچ گئے۔ جس کی تصویر انہوں نے اپنے سوشل میڈیا اکاؤنٹ پر شیئر کی۔ اس کے ساتھ ہی امیتابھ بچن نے گنگا کے لیے ہندی میں ایک خوبصورت نظم بھی لکھی۔

امیتابھ بچن نے اپنے آفیشل انسٹاگرام اکاؤنٹ پر اپنی دو تصویروں کا کولاج شیئر کیا ہے۔ جس میں وہ کشتی رانی کرتے نظر آ رہے ہیں۔ بگ بی کشتی سے ہاتھ نکال کر گنگا کے پانی کو چھوتے ہوئے    نظر آ رہے ہیں۔ اس دوران انہوں نے گہرے نیلے رنگ کی سویٹ شرٹ اور اسکائی بلیو لائف جیکٹ پہن رکھی ہے۔ اس پوسٹ کو شیئر کرتے ہوئے امیتابھ نے کیپشن میں   گنگا کے لیے خوبصورت لائنیں  لکھی ہیں جس میں انہوں نے گنگا ندی کے سلسلے میں اپنی عقیدت کا اظہار کیا ہے۔

امیتابھ کی اس پوسٹ کو مداح بے حد پسند کر رہے ہیں اور اس پر شدید ردعمل کا اظہار کر رہے ہیں۔اپنی شاندار اداکاری سے شائقین کے دل جیتنے والے بالی ووڈ کے میگا اسٹار امیتابھ بچن کو بالی ووڈ کا ورکاہولک مین کہا جاتا ہے۔ تقریباً پانچ دہائیوں سے بالی ووڈ پر راج کرنے والے 78 سالہ امیتابھ بچن آج بھی بالی ووڈ میں سرگرم ہیں۔