سری لنکا ئی صدر کی رہائش گاہ  پر احتجاج پرتشدد شکل اختیار کر گیا،کئی  صحافیوں سمیت دس  افراد زخمی۔ کولمبو کے کئی علاقوں میں کرفیو نافذ

کولمبو،  یکم اپریل

سری لنکا کے صدر گوتابایا راجا پاکسے کی رہائش گاہ کے باہر ہونے والے مظاہروں میں کئی صحافیوں سمیت کم از کم دس افراد زخمی ہو گئے۔ میریہانہ میں مظاہرین اور پولیس کے درمیان جھڑپوں کے بعد زخمی ہونے کے بعد چھ افراد کو کولمبو کے نیشنل ہسپتال میں داخل کرایا گیا۔  ڈیلی مرر کی خبر کے مطابق، مزید چار مریضوں کو کالبوویلا کے کولمبو ساؤتھ ٹیچنگ ہسپتال میں داخل کرایا گیا۔  ڈیلی مرر نے ہسپتال کے ذرائع کے حوالے سے رپورٹ کیا کہ تمام زخمی افراد مرد تھے اور ان میں سے کئی صحافی تھے۔ یہ احتجاج جزیرہ نما ملک میں موجودہ مسائل کو حل کرنے میں حکومت کی ناکامی پر کیا گیا تھا۔

 میریہانہ میں صدر راجہ پاکسے کی رہائش گاہ کے باہر مظاہرین کی پولیس سے جھڑپ ہوئی۔ سری لنکا کی فوج سے منسلک ایک بس اور ایک جیپ کو مظاہرین نے آگ لگا دی۔  علاوہ ازیں پولیس نے کولمبو کے کئی علاقوں میں کرفیو نافذ کر دیا ہے۔ ڈیلی مرر کی رپورٹ کے مطابق انسپکٹر جنرل آف پولیس نے کہا، "کولمبو نارتھ، کولمبو ساؤتھ، کولمبو سنٹرل اور نیوگیگوڈا پولیس ڈویژن میں فوری اثر کے ساتھ اگلے نوٹس تک پولس کرفیو نافذ کر دیا گیا ہے۔

 غور طلب ہے یاحت کے شعبے کے کریش ہونے کی وجہ سے COVID-19کی وبا کے بعد سے سری لنکا کی معیشت آزاد زوال کا شکار ہے۔ سری لنکا کو اس وقت زرمبادلہ کی کمی کا سامنا ہے جس کی وجہ سے ایندھن، بجلی اور گیس کی قلت پیدا ہو گئی ہے اور اس نے اقتصادی امداد کے لیے دوست ممالک سے مدد مانگی ہے۔