نئی دہلی، یکم اپریل 2022 ۔ نیشنل ہیلتھ اتھارٹی (این ایچ اے ) کھلی برادری کے شراکت داروں اور ڈیو لپرز ،خاص طور پر ڈیجیٹل ہیلتھ اسپیس میں کام کرنے والوں ،کو یونیفائیڈ ہیلتھ انٹرفیس (یو ایچ آئی ) میں حصہ لینے، تعمیر کرنے اور تعاون دینے کے لیے مدعو کرتی ہے۔ آیوشمان بھارت ڈیجیٹل مشن (اے بی ڈی ایم ) کے تحت، این ایچ اے نے 12 جنوری 2022 کو یو ایچ آئی کے آغاز کا اعلان کیا تھا۔
یو ایچ آئی ایک کھلا نیٹ ورک ہے جو انٹرآپریبل ڈیجیٹل ہیلتھ سروس ڈیلیوری کو فعال کرنے کے لیے ڈیزائن کیا گیا ہے۔ یو ایچ آئی کو ڈیولپرز کی ایک کھلی برادری کے ذریعہ بنائے گئے اور این ایچ اے کے ذریعہ تیار کردہ گیٹ وے پر تعینات کئے گئے پروٹوکولز کے ذریعے تقویت ملے گی ۔ مزید برآں ، پریس ریلیز میں ڈی سینٹرلائزڈ ہیلتھ پروٹوکول (ڈی ایچ پی ) کو یو ایچ آئی کے بنیادی پروٹوکول کے طور پر اپنانے کا اعلان کیا گیا اور ڈیو لپرز کو ڈی ایچ پی میں شامل ہونے اور یو ایچ آئی میں تعاون کرنے کی دعوت دی گئی۔ دریں اثنا، این ایچ اے کی اندرونی ٹیم بھی اس پر کام کر رہی ہے۔
اوپن پروٹوکول کا ایک ورژن گٹ ہب پلیٹ فارم پر https://github.com/dhp-projectپر دستیاب ہے اور اسے ہیلتھ سروس ایپلی کیشنز بنانے کے لیے استعمال کیا جا سکتا ہے۔ کوئی بھی ٹیکنالوجی فراہم کنندہ جو اس وقت ہسپتالوں، ڈاکٹروں، لیبس یا صارفین کے لیے ڈیجیٹل ہیلتھ سولوشنز تیار کر رہا ہے وہ ڈی ایچ پی کا استعمال کرتے ہوئے نئے نئے حل تیار کر سکتا ہے اور یو ایچ آئی نیٹ ورک کا حصہ بن سکتا ہے۔
این ایچ اے پہلے دی گئی دعوت کا اعادہ کرتی ہے اور سبھی، خاص طور پر ڈیجیٹل ہیلتھ اسپیس میں کام کرنے والوں کو دعوت دیتی ہے کہ وہ ، https://github.com/dhp-project گٹ ہب پلیٹ فارم پر پیش کی گئی ڈی ایچ پی اوپن کمیونٹی میں شامل ہوں تاکہ موجودہ پروٹوکول کو مزید بہتر بنایا جا سکےاوران معاملات جو ابھی تک ڈی ایچ پی کا حصہ نہیں ہیں ،کیلئے نئے پروٹوکول بنائے جا سکیں ۔ ڈی ایچ پی کمیونٹی سب کے لیے کھلی ہے اور کھلے پروٹوکول کو مزید فروغ دینے اور اس میں تعاون کرنے کا ایک موقع ہے جو بھارت میں ڈیجیٹل صحت کے انقلاب کو تقویت بخشے گا۔
یو ایچ آئی پر مزید تفصیلات کے لیے، یو ایچ آئی کنسلٹیشن پیپر کے مکمل متن کے ساتھ ساتھ یو ایچ آئی پبلک ویبینار کی ریکارڈنگ دیکھی جا سکتی ہے۔ وہ اے بی ڈی ایم کی ویب سائٹ https://abdm.gov.in/home/consultationpapers پر ڈاؤن لوڈ کے لیے دستیاب ہیں۔
نیشنل ہیلتھ اتھارٹی کے بارے میں:
نیشنل ہیلتھ اتھارٹی (این ایچ اے ) حکومت ہند کی ایک اعلیٰ باڈی ہے جو حکومت ہند کی مختلف وزارتوں/محکموں، ریاستی حکومتوں، اور نجی شعبے/سول سوسائٹی کی تنظیموں کے ساتھ مل کر آیوشمان بھارت ڈیجیٹل مشن (اے بی ڈی ایم ) کے نفاذ کی قیادت کرتی ہے۔ یہ ڈیجیٹل ہائی ویز کے ذریعے ہیلتھ کیئر ایکو سسٹم کے مختلف حصص داروں کے درمیان موجود خلا کو پُر کرے گی۔ اے بی ڈی ایم وسیع پیمانے پر ڈیٹا، معلومات اور بنیادی ڈھانچے کی خدمات کی فراہمی کے ذریعے ایک ہموار آن لائن پلیٹ فارم بنائے گا جو صحت سے متعلق ذاتی معلومات کی حفاظت اور رازداری کو یقینی بناتے ہوئے کھلے،انٹرآپریبل اور معیارات پر مبنی ڈیجیٹل سسٹمز کا صحیح طریقے سے فائدہ اٹھائے گا۔ این ایچ اے حکومت ہند کی ایک اور فلیگ شپ اسکیم – آیوشمان بھارت پردھان منتری جن آروگیہ یوجنا (اے بی پی ایم جے اے وائی ) کے نفاذ کے لیے بھی ذمہ دار ہے۔
