بالی ووڈ کے مشہور لو برڈس میں سے ایک رنبیر کپور اور عالیہ بھٹ اکثر اپنے رشتے کو لے کر سرخیوں میں رہتے ہیں۔ وہیں کچھ عرصے سے ان دونوں کی شادی کو لے کر کئی خبریں سامنے آرہی ہیں۔ رپورٹس کے مطابق ان کی شادی کی تیاریاں زور و شور سے جاری ہیں اور دونوں رواں سال 14 اپریل کو شادی کے بندھن میں بندھ سکتے ہیں۔

رپورٹس کے مطابق اس شادی میں بالی ووڈ کے کئی بڑے ستارے شرکت کریں گے اور شادی کا ہر فنکشن بڑی دھوم دھام سے منایا جائے گا جس میں مہندی سے لے کر سنگیت کی رسم تک سب کچھ ہوگی۔ دونوں کی شادی میں بہت کم دن رہ گئے ہیں اس لیے شادی کی تیاریاں زوروشور سے جاری ہیں۔ تاہم رنبیر یا عالیہ کے خاندان والوں میں سے کسی نے بھی اس شادی کے حوالے سے کوئی معلومات شیئر نہیں کی ہیں۔

رنبیر اور عالیہ پہلے ہی اپنے رشتے پر مہر ثبت کر چکے ہیں۔ مداح بھی اب ان کی جلد شادی کے منتظر ہیں۔ دونوں جلد ہی آیان مکھرجی کی ہدایت کاری میں بننے والی فلم 'براہمستر' میں امیتابھ بچن کے کے ساتھ اداکاری کرتے  نظر آئیں گے۔