رکشا منتری جناب راجناتھ سنگھ نے دفاع کے سکریٹری ڈاکٹر اجے کمار اور ایک اعلیٰ سطح وفدکے ساتھ امریکہ کے دفاع کے سکریٹری جناب لائیڈ اوسٹن کے ساتھ ایک میٹنگ منعقد کی ۔یہ میٹنگ 11اپریل 2022 کو پینٹاگن میں جوائنٹ چیف آف اسٹاف کے چیئر مین اور دیگر سینئر اہلکاروں کے ساتھ منعقد ہوئی۔
دونوں دفاعی وزیروں نے باہمی دفاعی تعاون اور علاقائی سیکورٹی صورتحال کے تمام تر پہلوؤں کا جائزہ لیا۔دونوں وزیروں نے بھارت بحرالکاہل خطے اور وسیع تر بھارتی سمندری خطے میں امن ،استحکام اور خوشحالی کے لئے بھارت امریکہ دفاعی شراکت داری کو تسلیم کیا۔
انہوں نے باہمی دفاعی تعاون میں اعلیٰ معیاراور گنجائش کے لئے بڑی دفاعی شراکت داری(ایم ڈی پی) کو مزید بڑھانے اور مل کر کام کرنے کے طریقوں پر تبادلۂ خیال کیا۔ انہوں نے فوج سے فوج کے درمیان رابطوں معلومات کے تبادلے، لاجسٹک تعاون کو بڑھانے اور مسلح فورسز کی اہلیت کو بڑھانے کا جائزہ لیاتاکہ مناسب مواصلات کے بندوبست کے تحت قریبی تعاون ہوسکے۔اس ضمن میں خصوصی طور پراسپیشل آپریشن فورسز کا قریبی تعاون خاص طور پر رہتا ہے۔
دونوں وزیروں نے دفاعی صنعتوں کے درمیان قریبی تعاون کے طریقوں پر تبادلۂ خیال کیا۔ رکشا منتری نے بھارتی اور امریکی کمپنیوں کے درمیان مشترکہ ترقی اور مشترکہ تیاری کی ضرورت کو اجاگر کیااور امریکی کمپنیوں کو دفاعی آلات کی مینو فیکچرنگ اور مینٹننس کے لئے بھارت مدعو کیا
