کابل، 19؍اپریل

اسلام آباد کی جانب سے افغان سرزمین پر کیے گئے فضائی حملے کے جواب میں  گذشتہ روز افغانستان میں پاکستان مخالف ریلیاں نکالی گئیں۔پاکستان کی فضائی سرٹائک میں فی الحال کم از کم 44  ہلاک ہوچکے ہیں۔ حملوں کولے کر اسلام آباد نے کہا کہ یہ افغان سرزمین سے ہونے والے حملوں کے جواب میں ہے۔ پاکستانی فضائی حملوں نے ملک بھر میں احتجاج کا سلسلہ شروع کر دیا۔

افغانستان میں مظاہرین اور حکام کا کہنا تھا کہ یہ حملے ملک کی خودمختاری کی خلاف ورزی ہیں۔ خوست اور کنڑ صوبوں پر راکٹ حملوں کے جواب میں پیر کو صوبہ قندھار میں بڑی تعداد میں لوگوں نے احتجاج کیا۔ طلوع نیوز نے رپورٹ کیا کہ لوگوں نے پاکستان مخالف بینرز اٹھا رکھے تھے اور ملک کے خلاف نعرے لگائے۔

ایک مظاہرین، سمیع اللہ مخلص نے کہا، "ہماری سرزمین پر پاکستان کے غیر قانونی حملوں کو روکنا چاہیے۔" ایک اور مظاہرین گلاب شاہ نے کہا کوئی ایکشن نہیں لے رہا ہے۔ ہم چاہتے ہیں کہ امارت اسلامیہ پاکستان کو منہ توڑ جواب دے۔ افغان سرزمین پر پاکستانی فضائی حملوں کے خلاف اتوار کو ننگرہار میں بھی اسی طرح کے مظاہرے دیکھنے میں آئے۔

طالبان کی زیر قیادت وزارت دفاع نے حملے کو ظالمانہ قرار دیتے ہوئے خبردار کیا کہ کوئی بھی ملک افغانستان کو اشتعال انگیزی نہ کرے۔ وزارت دفاع کے ترجمان عنایت اللہ خوارزمی نے طلوع نیوز کے حوالے سے کہا کہ "کسی بھی ملک کو افغانوں کا امتحان نہیں لینا چاہیے۔ افغانوں کو ایسا قدم اٹھانے پر مجبور نہیں کرنا چاہیے۔ پوری تاریخ میں، افغانوں نے ثابت کیا کہ وہ کبھی بھی کسی جارحیت کا جواب دیے بغیر نہیں رہے۔