ملک میں کورونا کے 24 گھنٹے میں ملے 1247 نئے مریض

نئی دہلی، 19 اپریل (انڈیا نیرٹیو)

ملک میں منگل کی صبح 8 بجے تک گزشتہ 24 گھنٹوں کے دوران کورونا سے متاثر 1247 نئے مریض سامنے آئے ہیں۔ اس عرصے کے دوران کورونا کی وبا کو شکست دینے والے افراد کی تعداد 928 رہی۔ جب کہ ایک کورونا متاثر مریض کی موت ہوگئی۔

مرکزی وزارت صحت کے مطابق ملک میں کورونا سے صحت یاب ہونے والوں کی کل تعداد 4 کروڑ 25 لاکھ 11 ہزار 701 ہوگئی ہے جب کہ صحت یاب ہونے کی شرح بڑھ کر 98.76 فیصد ہوگئی ہے۔ اس وقت ملک میں کورونا وائرس کے فعال مریضوں کی تعداد 11 ہزار 860 ہو گئی ہے۔ روزانہ انفیکشن کی شرح 0.31 فیصد ہے۔

آئی سی ایم آر کے مطابق گزشتہ 24 گھنٹوں میں 4 لاکھ سے زیادہ ٹیسٹ کیے گئے۔ قابل ذکر ہے کہ اب تک کل 83 کروڑ 25 لاکھ ٹیسٹ کیے جا چکے ہیں۔

ملک میں اب تک لگے 186.72 کروڑ اینٹی کورونا ٹیکے

ملک گیر ویکسینیشن مہم کے تحت منگل کی صبح 8 بجے تک اینٹی کورونا ویکسین کی 186 کروڑ 72 لاکھ سے زائد خوراکیں دی جا چکی ہیں۔ گزشتہ 24 گھنٹوں میں 16.89 لاکھ سے زیادہ ویکسین لگائی گئیں۔

مرکزی وزارت صحت کے اعداد و شمار کے مطابق اب تک ریاستوں اور مرکز کے زیر انتظام صوبوں کو اینٹی کورونا ویکسین کی کل 192.27 کروڑ خوراکیں مفت فراہم کی گئی ہیں۔ ان میں سے 20.52 کروڑ ویکسین کی خوراکیں اب بھی ریاستوں اور مرکز کے زیر انتظام صوبوں کے پاس دستیاب ہیں۔