ڈاکٹر نادر علی خاں صاحب بھی چل بسے۔
میں علی گڑھ کے جن دو چار صاحبانِ دل سے متاثر تھا ، ان میں مرحوم سرِ فہرست تھے۔
صالحیت کا نور ان کے سراپا سے جھلکتا تھا۔
مجھے تبلیغی جماعت سے کچھ زیادہ طبعی مناسبت نہیں ، لیکن ان کے مسحور کن بیان کا شیدائی تھا ، مجھ پہ ان کی خطابت کا جادو سا چل گیا تھا۔
مرحوم کو اللہ نے بے پناہ علم ، عزت و احترام ، تقویٰ ، درویشی و قلندری اور قوتِ بیان سے نوازا تھا۔
عہدہ و مناصب کی حرص و طمع ان کو چھوکر بھی نہیں گزری تھی۔
بہت کم لکھا ،لیکن اردو صحافت کی تحقیق میں ان کا کارنامہ مستند حوالے کا درجہ رکھتا ہے۔
۔۔۔۔۔۔۔۔۔۔۔۔۔۔
ولادت : 16 جون 1931 (قصبہ رٹول، ضلع باغپت، یو پی کے ایک دینی و علمی خانوادے میں)
ایم اے اور پی ایچ ڈی : علی گڑھ مسلم یونی ورسٹی
لیکچرر ، ریڈر اور ایڈوائزر : شعبئہ اردو، علی گڑھ مسلم یونیورسٹی
تصانیف :
(1) اردو صحافت کی تاریخ
(2) ہندوستانی پریس
(3) اردو لسانیات کا المیہ
وفات : 23 اپریل 2022، سنیچر کی رات 12:10 کو علی گڑھ میں۔
تدفین : منٹو قبرستان ،علی گڑھ مسلم یونی ورسٹی
۔۔۔۔۔۔۔۔۔۔۔۔
آسماں ان کی لحد پر شبنم افشانی کرے
۔۔۔۔۔۔۔۔۔۔۔۔۔۔۔۔۔۔۔
✍🏻 ڈاکٹر خالد مبشر
جامعہ ملیہ اسلامیہ
نئی
