نئی دہلی، 27 اپریل (انڈیا نیرٹیو)

وزیر اعظم نریندر مودی نے بدھ کے روز کہا کہ ہر اہل بچے کو جلد از جلد ویکسین دینا ہماری ترجیح ہونی چاہئے۔ اس کے لیے انہوں نے ریاستوں سے خصوصی مہم چلانے کا مطالبہ کیا۔

کورونا کی صورت حال پر 24ویں جائزہ میٹنگ کے اختتامی خطاب میں وزیر اعظم مودی نے کہا کہ ہمیں چوکنا رہنے کی ضرورت ہے،گزشتہ دو ہفتوں میں کچھ ریاستوں میں کوویڈ 19 کے معاملات میں اضافہ کا حوالہ دیتے ہوئے کہا کہ ہمیں چوکنا رہنے کی ضرورت ہے۔ ہمیں عوامی مقامات پر کووڈ-مناسب رویے کو فروغ دینا ہوگا۔ انہوں نے کہا کہ یہ ہر ہندوستانی کے لئے فخر کی بات ہے کہ ملک کی 96 فیصد بالغ آبادی کو کووڈ ویکسین کی کم از کم ایک خوراک ملی ہے۔

انہوں نے کہا کہ جس طرح سے مرکز اور ریاستوں نے کورونا کے دور میں مل کر کام کیا، اس نے ملک کی کورونا کے خلاف لڑائی میں اہم کردار ادا کیا ہے۔ انہوں نے کہا کہ یہ واضح ہے کہ کورونا کا چیلنج ابھی مکمل طور پر ختم نہیں ہوا ہے۔ اومیکرون اور اس کی تمام اقسام کس طرح سنگین صورتحال کا سبب بن سکتی ہیں، ہم یورپ کے ممالک میں دیکھ سکتے ہیں۔

وزیراعظم نے کہا کہ ملک میں طویل عرصے بعدا سکول کھلے ہیں۔ ایسے میں کورونا کیس بڑھنے سے اہل خانہ کی پریشانی بڑھ رہی ہے۔ کچھ اسکولوں سے بچوں کے متاثر ہونے کی اطلاعات ہیں۔ یہ امر باعث اطمینان ہے کہ زیادہ سے زیادہ بچوں کو ویکسین کی شیلڈ مل رہی ہے۔

انہوں نے کہا کہ مارچ میں ہم نے 12 سے 14 سال کے بچوں کو ویکسینیشن کا آغاز کیا۔ کل، 6 سے 12 سال کے بچوں کے لیے کو-ویکسین کی بھی اجازت دی گئی ہے۔ انہوں نے کہا کہ تمام مستحق بچوں کی جلد از جلد ویکسی نیشن ہماری ترجیح ہے۔ اس کے لیے پہلے کی طرح اسکولوں میں بھی خصوصی مہم کی ضرورت ہوگی۔ اساتذہ اور والدین کو اس بارے میں آگاہ ہونا چاہیے، ہمیں بھی اسے یقینی بنانا ہوگا۔

انہوں نے کہا کہ تیسری لہر کے دوران ہم نے روزانہ 3 لاکھ سے زائد کیسز دیکھے۔ ہماری تمام ریاستوں نے بھی ان کو سنبھالا اور دیگر تمام سماجی، اقتصادی سرگرمیوں کو تحریک دی۔