اسلام آباد ،28؍اپریل

پاکستان کے وزیر اعظم شہباز شریف سعودی عرب سے اپنے جاری دورے کے دوران 3.2 بلین امریکی ڈالر کا اضافی پیکج حاصل کرنے کے لیے تیار ہیں،   پاکستانی ذرائع ابلاغ نے آج یہ اطلاع دی ۔ شہباز شریف، جو آج سے سعودی عرب کا اپنا تین روزہ دورہ شروع کر رہے ہیں، یہ درخواست پاکستان کے غیر ملکی کرنسی کے ذخائر میں مزید کمی کو روکنے کے لیے کریں گے۔

شہباز شریف نے ٹویٹ کیا کہ آج میں اپنے بھائی چارے اور دوستی کے رشتوں کی تجدید اور اس کی تصدیق کے لیے سعودی عرب کے دورے پر جا رہا ہوں۔ میں سعودی قیادت کے ساتھ وسیع پیمانے پر بات چیت کروں گا۔ سعودیہ عرب ہمارے سب سے بڑے دوستوں میں سے ایک ہے اور دو مقدس مقامات کے محافظ کے طور پر، ہم سب کے دلوں میں ایک خاص جگہ ہے،"سعودی عرب پہلے ہی عمران خان کے دور حکومت میں قرضوں میں ڈوبے ملک کو 3 بلین امریکی ڈالر کے ذخائر اور 1.2 بلین ڈالر کی موخر ادائیگی پر تیل کی سہولت دے چکا ہے۔ اندازوں کے مطابق پاکستان کو ادائیگیوں کے توازن کے بحران اور غیر ملکی کرنسی کے ذخائر میں مزید کمی کو روکنے کے لیے 12 بلین امریکی ڈالر درکار ہیں۔

اعلیٰ سرکاری ذرائع نے بدھ کو دی نیوز انٹرنیشنل سے بات کرتے ہوئے تصدیق کی ہم سعودی عرب سے درخواست کرنے جا رہے ہیں کہ ڈپازٹ کی رقم 3 بلین امریکی ڈالر سے بڑھا کر 5 بلین ڈالر کر دی جائے اور سعودی آئل فیسیلٹی (ایس او ایف) کو 1.2 بلین امریکی ڈالر سے دوگنا کر کے 2.4 بلین ڈالر کر دیا جائے، تاکہ کل پیکج ہو سکے۔