<h3 style="text-align: center;">چیف آف آرمی اسٹاف شمال مشرق کے تین روزہ دورہ پر</h3>
<p style="text-align: right;">نئی دہلی ، 25 نومبر (انڈیا نیرٹیو)</p>
<p style="text-align: right;"> تین روزہ شمال مشرق کے سفر پر آئے آرمی چیف جنرل منوج مکند نارونے نے منگل کو ناگالینڈ اور منی پور میں فوج اور آسام رائفلز کے صدر دفاتر کا دورہ کیا۔ انہوں نے شمال مشرق کے دیگرعلاقہ کابھی دورہ کیا اوروہاں تعینات فوج اور آپریشنل تیاریوں کا جائزہ لیا۔مقامی عہدیداروں نے انہیں ناگامذاکرات کے پیش رفت سے بھی آگاہ کیا۔</p>
<p style="text-align: right;">جنرل ایم ایم نارونے شمال مشرقی کمانڈ کے فوجی ڈھانچے میں سکیورٹی کی صورتحال اور آپریشنل تیاریوں کا جائزہ لینے کے لئے تین روزہ دورے پر پیر کو روانہ ہوئے تھے۔آرمی چیف جنرل پیر کے روز ناگالینڈ کے دیماپور پہنچے تھے۔ نارونے نے منگل کو شمال مشرقی خطے میں سیکورٹی کی صورتحال کا جائزہ لیا۔</p>
<p style="text-align: right;">ان کے ساتھ مشرقی کمانڈ کے جنرل آفیسر کمانڈنگ ان چیف لیفٹیننٹ جنرل انیل چوہان اور تیسرا کور کمانڈر لیفٹیننٹ جنرل آر پی کالیتا موجودتھے ۔ آرمی چیف کو شمالی سرحد پر آسام ، ناگالینڈ ، منی پور اور اروناچل پردیش کے اندرونی حصے میں آپریشنل تیاری کے بارے میں باخبرکیاگیا۔ انہیں فوج کی طرف سے جاری ناگا امن مذاکرات کے پیشرفت کے بارے میں بھی معلومات دی گئیں۔</p>
<p style="text-align: right;">جنرل ایم ایم نارونے معاشرے کے تمام طبقات کی ترقی اور مساوی مواقع کی فراہمی میں ہندوستانی فوج کی کوششوں کے حصے کے طور پر آسام رائفلز کے ذریعہ چلائے جارہے کوہیما یتیم خانے میں بدھ کے روز ایک نئی رہائشی سہولت کا افتتاح کریں گے۔</p>.
