امریکی وزیر دفاع لائیڈ آسٹن کا ماننا ہے کہ ایشیا میں چین کا مقابلہ صرف بھارت ہی کر سکتا ہے۔ سنگاپور میں جاری شانگریلا ڈائیلاگ میں چین کو نشانہ بناتے ہوئے انہوں نے واضح طور پر کہا کہ بھارت کی بڑھتی ہوئی طاقت ہند۔ بحرالکاہل خطے میں استحکام لانے میں مددگار ثابت ہوگی۔

امریکی وزیر دفاع کو اپنے خطاب میں چین کو ہدف تنقید بناتے ہوئے دیکھا گیا۔ انہوں نے کہا کہ چین،  بھارت سمیت ایشیا کے دیگر ممالک کے خلاف مسلسل جارحانہ موقف اختیار کر رہا ہے۔ ایسی کوششیں تناؤ میں اضافہ ہی کریں گی۔ انہوں نے تائیوان اور بحیرہ جنوبی چین میں چین کی بحریہ کے بڑھتے ہوئے اثر و رسوخ کو تشویشناک قرار دیا۔ آسٹن نے کہا کہ امریکہ ہمیشہ اپنے اتحادیوں بشمول تائیوان کے ساتھ کھڑا ہے۔ یہ صورتحال ایسے وقت کی ہے جب چین تائیوان کو اپنا حصہ سمجھتا ہے اور ضرورت پڑنے پر تائیوان کو زبردستی چین میں شامل کرنے پر خبردار بھی کر چکا ہے۔

لائیڈ آسٹن نے کہا کہ امریکہ دنیا میں نئی صلاحیتوں کو فروغ دینے پر کام کر رہا ہے۔ ان میں بغیر پائلٹ کے طیارے، طویل فاصلے تک مار کرنے والے میزائل اور ریڈار جیسے آلات شامل ہیں۔ یہ اوزار جارحیت کو روکنے میں مدد کریں گے۔ انہوں نے دعویٰ کیا کہ امریکی سائنسدان اعلیٰ توانائی والے لیزر ہتھیاروں کے  کی طرف بڑھ رہے ہیں جو میزائلوں کو تباہ کر سکتے ہیں۔ ان صلاحیتوں کو دوست ممالک کے لئے مددگار قرار دیتے ہوئے انہوں نے خاص طور پر بھارت کا ذکر کیا۔ انہوں نے کہا کہ بھارت کی بڑھتی ہوئی فوجی صلاحیت اور تکنیکی صلاحیت ہند۔ بحرالکاہل خطے کے استحکام کے لیے ضروری ہے۔