عالمی سیاست میں جلد ہی ایک اور اتحاد نمودار ہونے والا ہے۔ متحدہ عرب امارات (یو اے ای)، اسرائیل اور ہندوستان کی جانب سے بنائے گئے نئے گروپ کو امریکہ نے 'آئی ٹو یو ٹو' کا نام دیا ہے۔ اس گروپ کا پہلا سربراہی اجلاس اگلے ماہ آن لائن ہوگا۔

امریکی محکمہ خارجہ کے ترجمان نیڈ پرائس نے بتایا کہ 'آئی ٹو یو ٹو' سے مراد 'ہندوستان، اسرائیل، ریاستہائے متحدہ امریکہ اور یو اے ای' ہے۔ اس نئے گروپ 'I2U2' کا پہلا سربراہی اجلاس 13 سے 16 جولائی تک امریکی صدر جو بائیڈن کے مغربی ایشیائی ممالک کے دورے کے دوران ہوگا۔

ہندوستان کے وزیر اعظم نریندر مودی، امریکی صدر جو بائیڈن، اسرائیل کے وزیر اعظم نفتالی بینیٹ اور متحدہ عرب امارات (یو اے ای) کے صدر محمد بن زید النہیان اس آن لائن کانفرنس میں شرکت کریں گے۔ یہ چاروں رہنما غذائی تحفظ کے بحران اور تعاون کے دیگر شعبوں پر بات چیت کریں گے۔ انہوں نے کہا کہ امریکی صدر دیگر تین رہنماؤں کے ساتھ اس منفرد ملاقات کے لیے بے حد منتظر ہیں۔