نئی دہلی، 17 ؍جون

مرکزی حکومت نے ابھی اگنی پتھ اسکیم کے آغاز کی سرکاری تاریخ کا اعلان کرنا ہے، ہندوستانی فوج کے سربراہ جنرل منوج پانڈے نے جمعہ کو کہا کہ پہلے اگنیوروں کی تربیت دسمبر 2022 میں شروع ہوگی اور فعال سروس 2023 کے وسط میں شروع ہوگی۔ آج  ایک خصوصی بات چیت میں آرمی چیف نے کہا، "بھرتی کا عمل جلد شروع ہونے والا ہے۔ اگلے دو دنوں کے اندر، سرکاری ویب سائٹ پر ایک نوٹیفکیشن جاری کیا جائے گا۔ اس کے بعد ہماری فوج کی بھرتی کرنے والی تنظیمیں تفصیلی شیڈول کا اعلان کریں گی۔

جہاں تک اگنیوروں کی بھرتی کے تربیتی مراکز میں جانے کا سوال ہے، پہلے اگنیوروں کی تربیت اس دسمبر (2022 میں) مراکز پر شروع ہوگی۔  غور طلب ہے کہ  کووڈ کی بیماری نے فوج کی بھرتی کو دو سالوں سے روک  رکھا تھا۔۔ 2019-2020 میں، فوج نے جوانوں کو بھرتی کیا اور اس کے بعد سے کوئی داخلہ نہیں ہوا ہے۔

دوسری طرف، ہندوستانی بحریہ اور ہندوستانی فضائیہ دونوں نے بالترتیب پچھلے دو سالوں میں بھرتی کی تھی۔  آرمی چیف نے مزید کہا اگنیوروں کی بھرتی اگلے 90 دنوں میں شروع ہو جائے گی اور پہلی کھیپ جولائی 2023 تک تیار ہو جائے گی۔ مسلح  افواج میں بھرتی کے عمل میں تبدیلی لانے کی کوشش میں حکومت نے حال ہی میں اگنی پتھ اسکیم متعارف کرائی تھی۔ نئی فوجی بھرتی اسکیم کو اپوزیشن کے ردعمل کا سامنا کرنے کے بعد، مرکز نے اگنیوروں کی بھرتی کے لیے عمر کی بالائی حد میں تبدیلی لانے کا فیصلہ کیا ہے۔  یک وقتی چھوٹ دیتے ہوئے، مرکز نے 16 جون، 2022 کو اعلان کیا کہ اگنی پتھ اسکیم کے ذریعے بھرتیوں کے لیے اگنیور کی بالائی عمر کی حد کو 21 سال سے بڑھا کر 23 سال کر دی گئی ہے۔