کابل؍اسلام آباد،20؍جون

انسانی حقوق کونسل کے 50ویں اجلاس کے دوران، شرکاء نے تنازعات والے علاقوں میں بچوں کے حقوق کی خلاف ورزیوں کا تفصیل سے تجزیہ کیا اور خاص طور پر افغانستان اور  پاکستانمیں بچوں کی تعلیم کے حق کی خلاف ورزی پر مدارس کے منفی نتائج کی طرف توجہ مبذول کروائی۔ سہارا میڈیا کی خبر کے مطابق، اجلاس میں سول سوسائٹی کی تنظیموں، صحافیوں، ماہرین، انسانی حقوق کے کارکنوں، محققین، سفارت کاروں اور پینلسٹس کی موجودگی کا مشاہدہ کیا گیا۔ یہ مباحثہ 14 جون 2022 کو جنیوا کے ہوٹل مونٹربریلنٹ۔کورناوین میں تنازعات والے علاقوں میں بچوں کے حقوق کی ترویج اور تحفظ کے موضوع پر منعقد کیا گیا۔

میٹنگ میں جن دیگر امور پر تبادلہ خیال کیا گیا ان میں افریقہ اور ایشیا میں بنیادی طور پر ساحل کے علاقے، ڈیموکریٹک ریپبلک آف کانگو کے مشرق میں، وسطی افریقی جمہوریہ، مالی،  صومالیہ، افغانستان میں، شام میں، عراق میں، یمن میں اور یوکرین میں تنازعات میں بچوں کی بھرتی اور جبری بھرتی کی بنیادی وجوہات تھیں۔کونسل نے بچوں کے حقوق کی سنگین خلاف ورزیوں پر تبادلہ خیال کیا جس میں قتل، بھرتی، مسخ کرنے، یا انسانی ہمدردی کی رسائی سے انکار جیسے مدعے شامل تھے۔  

شرکا نے نگرانی، تعلیم کے ساتھ ساتھ مسلح تصادم کے دوران اسکولوں کے تحفظ کے ذریعے احتیاطی حکمت عملی اپنانے پر زور دیا۔ انہوں نے آگاہی مہم کے ذریعے بچوں کے حقوق اور بہبود کے افریقی چارٹر، بچوں کے حقوق سے متعلق اقوام متحدہ کے کنونشن اور بچوں کی شمولیت پر اختیاری پروٹوکول کے موثر نفاذ کے لیے یکساں طور پر زور دیا۔  انہوں نے نگرانی کے طریقہ کار کو مضبوط بنانے کی درخواست کی اور بچوں کی وکالت کے شعبے میں سول سوسائٹی کی تنظیموں کے نیٹ ورکس کی ترقی کی حوصلہ افزائی کی۔