ملک و دنیا کی تاریخ میں 26 جولائی کا دن بہت سے اہم واقعات کی صورت میں درج ہے۔ یہ تاریخ ہندوستانی فوج کی بہادری کے لئے تاریخ کے اوراق میں سنہری حروف میں درج ہے۔ 26 جولائی 1999 کو بھارت نے پاکستان کے چھکے چھڑا کر کارگل کی جنگ جیت لی۔ ہوا یہ کہ فروری 1999 میں دونوں ممالک کے وزرائے اعظم کے درمیان امن معاہدے پر دستخط کے باوجود پاکستان نے خفیہ طور پر اپنی فوج ہندوستان کے زیر کنٹرول علاقوں میں بھیج دی۔ تقریباً 60 دن کی محنت اور قربانیوں کے بعد بھارتی فوج پاکستانی فوج کو بھگانے میں کامیاب ہوئی۔ فوجی مورخین کی رائے ہے کہ کارگل دوسری جنگ عظیم کے بعد طویل ترین لڑائیوں میں سے ایک ہے۔
کارگل جنگ میں فوجیوں کی بہادری ،جانبازی اور قربانیوں کی یاد میں ہر سال 26جولائی کو کارگل وجے دیوس کے طور پر منایا جاتا ہے ۔
8-15مئی 1999 کی مدت کے دوران کارگل پہاڑی کے اوپر بھارتی فوج کے گشتی ٹیم کوپاکستان کے در اندازوں کی خبر لگی تھی ۔ کارگل اور دراس کے عام علاقوں میں پاکستان نے سرحد پار سے توپوں سے گولی باری کی ۔ بلند چوٹیوں پر پاکستان کے در اندازوں میں فوجی اور کرائے کے جنگجو شامل تھے ۔ ہندوستانی فوج نے مئی 1999 میں آپریشن وجے شروع کیا۔ دراس کے ذیلی علاقے پر کئی ہفتوں کی لڑائی کے بعد 13 جون کو قبضہ کر لیا گیا۔4-5 جولائی کو ٹائیگر ہل اور پوائنٹ 4875پر پھر قبضہ کر لیا گیا۔ بٹالک سیکٹر کا علاقہ بہت مشکل تھا اور دشمن کہیں زیادہ مضبوطی سے اندر داخل ہوا تھا۔
کنٹرول کی جنگ میں تقریباً ایک مہینہ لگا، اس طرح تقریباً دو ماہ میں ہندوستان نے کارگل کی جنگ جیت کر پاکستان کو شکست دی۔
