جے ڈی یو کے تمام سابق وزراکوملی جگہ، کانگریس سے اقلیت اور دلت کونمائندگی

پٹنہ، 16 اگست (انڈیا نیرٹیو)

بہار میں وزیر اعلی نتیش کمار کی قیادت والی نئی گرینڈ الائنس حکومت کی کابینہ میں منگل کو توسیع کی گئی۔ کابینہ کی توسیع میں جہاں جے ڈی یو کے پرانے چہروں کو موقع ملا، وہیں آر جے ڈی کے 16 ایم ایل ایز نے وزیر کے طور پر حلف لیا۔

آر جے ڈی سے وزیر بنے

آر جے ڈی کے تیج پرتاپ یادو، کمار سروجیت، للت یادو، سریندر یادو، آلوک مہتا، انیتا دیوی، سریندر رام، سمیر مہاسٹھ، شاہنواز عالم، کارتک ماسٹر، جتیندر رائے، رامانند یادو، چند شیکھر یادو، سدھاکر سنگھ، محمد شمیم اور اسرائیل منصوری شامل ہیں۔

جے ڈی یو نے وزیر بنایا

جے ڈی یو سے وجے چودھری، وجیندر یادو، اشوک چودھری، شراون کمار، سنجے جھا، لسی سنگھ، زماں خان، جینت راج، سنیل کمار، مدن ساہنی اور شیلا منڈل کو وزیر بنایا گیا ہے۔ ان کے علاوہ آفاق عالم اور مراری گوتم کو کانگریس کی طرف سے وزارتی عہدے ملے ہیں۔ سنتوش کمار سمن اور آزاد سومیت کمار سنگھ پارٹی کے اہم چہرے تھے، جنہوں نے آج وزیر کے طور پر حلف لیا۔

کابینہ کی حلف برداری کی تقریب راج بھون کے راجندر منڈپم میں 11:30  بجے منعقد ہوئی۔ تقریب میں سی ایم نتیش کمار، ڈپٹی سی ایم تیجسوی یادو، سابق سی ایم رابڑی دیوی، جیتن رام مانجھی سمیت کئی لیڈر موجود تھے۔