حیدرآباد، 26ستمبر (انڈیا نیرٹیو)

 سریہ کمار یادو اور وراٹ  کوہلی کی طوفانی نصف سنچریوں کی بدولت ٹیم انڈیا نے تیسرے ٹی۔20 انٹرنیشنل میں آسٹریلیا کو 6 وکٹوں سے شکست دے  کر تین میچوں کی سیریز اپنے نام کر لی۔

پہلے ٹی۔20میچ میں آسٹریلیا کے ہاتھوں شکست کھانے کے بعد ٹیم انڈیا نے شاندار واپسی کی اور اگلے دونوں میچ جیت کر سیریز 2-1سے اپنے نام کر لی۔

روہت شرما کی قیادت میں ٹیم نے آسٹریلیا کو اپنے گھریلومیدان  پر 9 سال بعد ٹی۔20 سیریز میں شکست دی ہے۔ ٹیم انڈیا 2013 سے ٹی 20 سیریز میں کینگروز کو ہرا نہیں سکی تھی۔

تیسرے ٹی۔20 میں ٹاس ہارنے کے بعد پہلے بلے بازی  کرتے ہوئے آسٹریلیا نے مقررہ 20 اوور میں سات وکٹوں کے نقصان پر 186 رن بنائے۔آسٹریلیا کی جانب سے اس کے اوپنر بلے باز کیمرون گرین نے21گیندوں پر تین چھکوں اور سات چوکوں کی مدد سے 52 رن بنائے۔

ان کے علاوہ ٹم ڈیوڈ نے بھی نصف سنچری (54رن) اسکو ری کی۔ٹم نے 27 گیندوں پر4چھکوں اور 2چوکوں کی مدد سے 54 رن بنائے۔ بھارت کی جانب سے اکشر پٹیل نے 3 وکٹیں جبکہ یوزویندر چہل، بھونیشور کمار اور ہرشل پٹیل کو 1-1 کامیابی ملی۔

 جواب میں بھارت نے ہدف 19.5 اوورز میں 4 وکٹوں کے نقصان پر حاصل کر لیا۔ سوریہ کمار یادو نے 36 گیندوں میں 69 رن بنائے۔اپنی دھماکہ خیزاننگ کے دوران انہوں نے پانچ چھکے اور اتنے ہی چوکے لگائے۔

اس کے ساتھ ہی کنگ کوہلی نے 48گیند پر4چھکے اور 3چوکے کی مدد سے 63 رن کی اننگ کھیلی۔ دونوں کے درمیان 62 گیندوں پر 104 رن کی پارٹنرشپ  ہوئی۔