<h3 style="text-align: center;">ہماچل پردیش میں پنچایت انتخابات کا اعلان ، نوٹیفکیشن جاری،17 ،19 ، 21جنوری کو ہوگی پولنگ</h3>
<p style="text-align: right;">شملہ ، 21 دسمبر (انڈیا نیرٹیو)</p>
<p style="text-align: right;"> ہماچل پردیش میں پنچایت انتخابات کا بگل بج چکا ہے۔ ریاستی الیکشن کمیشن نے پیر کے روز پنچایت انتخابات سے متعلق نوٹیفکیشن جاری کر دیاہے۔ پنچایت انتخابات تین مراحل میں ہوں گے۔</p>
<p style="text-align: right;"> نوٹیفکیشن کے مطابق پہلے مرحلے کے لئے پولنگ 17 جنوری ، دوسرے مرحلے میں 19 جنوری اور تیسرے مرحلے کے لیے 21 جنوری 2021 کو ہوگی۔ ووٹنگ صبح 8 بجے سے شام 4 بجے تک ہوگی۔</p>
<p style="text-align: right;">نوٹیفکیشن کے مطابق 413 پنچایتوں والے ضلع شملہ میں اور 54پنچایتوں والے منڈی ضلع کے دھرم پور ڈویلپمنٹ بلاک میں پردھان عہدے کے لیے انتخابات نہیں ہوں گے۔</p>

<h4 style="text-align: right;">ریاستی ہائی کورٹ کے ذریعہ ایک درخواست</h4>
<p style="text-align: right;">ریاستی ہائی کورٹ کے ذریعہ ایک درخواست کا ازالہ کرتے ہوئے شملہ ضلع کے تمام ترقیاتی بلاکس اور منڈی کے دھرم پور ڈویلپمنٹ بلاک میں پردھان عہدے کے انتخاب پر پابندی عائد کرنے کے بعد ریاستی الیکشن کمیشن نے یہ فیصلہ لیا ہے۔</p>
<p style="text-align: right;">نوٹیفکیشن جاری ہوتے ہی ریاست کی متعلقہ پنچایتوں میں بھی ماڈل ضابطہ اخلاق نافذ ہو گیا ہے ، جو انتخابی نتائج کے اعلان ہونے تک نافذ العمل رہے گا۔</p>

<h4 style="text-align: right;">پنچایت انتخابات کے لیے پرچہ نامزدگی 31 دسمبر 2020</h4>
<p style="text-align: right;">نوٹیفکیشن کے مطابق ، پنچایت انتخابات کے لیے پرچہ نامزدگی 31 دسمبر 2020 ، یکم جنوری اور 2 جنوری 2021 کو صبح 11 بجے سے شام 3 بجے تک جمع کئے جائیں گے۔</p>
<p style="text-align: right;"> پرچہ نامزدگی کا جائزہ 4 جنوری 2021 کو لیا جائے گاجب کہ 6 جنوری کو شام 10 بجے سے شام 3 بجے تک پرچہ نامزدگی واپس لیے جاسکیں گے۔ اس کے بعد ، امیدواروں کو انتخابی نشان الاٹ کیا جائے گا۔</p>
<p style="text-align: right;">ضلع پریشد ممبروں کے ووٹوں کی گنتی 22 جنوری کو ہوگی جب کہ پنچایت سمیتی ، پردھانوں ، نائبپردھانوں اور وارڈ ممبروں کے ووٹوں کی گنتی انتخابات کے اختتام کے بعد ہوگی۔</p>.