جھنگ( پاکستان)،6 جنوری

ضلع جھنگ کے علاقے نانکسر میں واقع گوردوارہ ٹبہ نانکسر کو ڈسٹرکٹ ڈپٹی کمشنر محمد ارشد بھٹی کے حکم پر کو سیل کر دیا گیا ہے۔ سیل کرنے کی کارروائی 3 جنوری کو  عمل میں آئی۔

موقع پر پہنچے جھنگ کے سماجی کارکن سردار جسپال سنگھ اور روٹری کلب کے عہدیداران نے بتایا کہ پہلے گرو نانک دیو جی سے منسلک خستہ حال گرودوارہ ٹبہ نانکسر تقسیم کے بعد چند سال تک بند رہا۔بعد ازاں گوردوارہ صاحب کے نام پر 17 کنال اراضی اور 20 ملحقہ مکانات پر مقامی لوگوں نے ناجائز قبضہ کر لیا۔

 جسپال سنگھ نے یہ بھی کہا کہ گرودوارہ صاحب کے اندر تجاوزات کرنے والوں کی طرف سے مویشیوں کو طویل عرصے سے باندھا جا رہا تھا اور کچھ کمروں میں مویشیوں کا چارہ/گوبر ذخیرہ کیا جا رہا تھا۔  انہوں نے کہا کہ گوردوارہ صاحب کی عمارت کو عارضی طور پر سیل کر دیا گیا ہے جب انہوں نے ضلعی انتظامیہ سے گوردوارہ صاحب کی عمارت کی مزید بے حرمتی کو روکنے کی اپیل کی تھی۔

جسپال سنگھ کے مطابق گردوارہ صاحب کی عمارت کو روٹری کلب انٹرنیشنل کے تعاون سے دوبارہ تعمیر کیا جائے گا اور اس میں ایک سرکاری ڈسپنسری اور پانی صاف کرنے کا پلانٹ ہوگا۔