بھارتی فوج شمالی سرحد پر کسی بھی ناگہانی صورتحال سے نمٹنے کے لیے ہمہ وقت تیار ہے

مغربی سرحد پر پراکسی دہشت گرد تنظیموں نے ٹارگٹ کلنگ کی تکنیک کا سہارا لیا

نئی دہلی، 15 جنوری (انڈیا نیرٹیو)

 آرمی ڈے پر سالانہ پریڈ میں پاکستان اور چین آرمی چیف جنرل منوج پانڈے کے نشانے پر رہے۔ مغربی سرحد کے پار دہشت گردی کے ڈھانچے پر تشویش کا اظہار کرتے ہوئے انہوں نے شمالی سرحد پر کسی بھی ہنگامی صورتحال سے نمٹنے کے لیے تیار رہنے کی یقین دہانی بھی کرائی۔

آرمی چیف جنرل ایم پانڈے 75ویں آرمی ڈے پریڈ میں سلامی لینے کے بعد فوجیوں سے خطاب کر رہے تھے۔ 1949 میں آرمی ڈے کی تقریبات شروع ہونے کے بعد یہ پہلا موقع ہے کہ دہلی کے باہر بنگلورو کے ایم ای جی اینڈ سینٹر کے پریڈ گراؤنڈ میں آرمی ڈے پریڈ کا انعقاد کیا جا رہا ہے۔

پہلی بار، بنگلورو میں آرمی ڈے پریڈ اور دیگر متعلقہ تقریبات کا انعقاد کیا جا رہا ہے۔ آرمی چیف نے کہا کہ حکومت کے اس فیصلے سے فوج کو عوام سے جڑنے کا سنہری موقع ملا ہے۔ مجھے یقین ہے کہ اس سے ہمارے تعلقات مزید مضبوط ہوں گے۔

انہوں نے کہا کہ مغربی سرحدی علاقوں میں لائن آف کنٹرول کے ساتھ جنگ بندی برقرار ہے جس سے سرحد پار سے فائرنگ میں کمی آئی ہے لیکن اس کے باوجود سرحد کے آر پار دہشت گردوں کا ڈھانچہ بدستور موجود ہے۔

ہمارا کاؤنٹر انفلٹریشن گرڈ وہاں سے دراندازی کو مسلسل ناکام بنا رہا ہے۔ جموں و کشمیر اور پنجاب میں بین الاقوامی سرحدی علاقے میں ڈرون کے ذریعے ہتھیاروں اور منشیات کی اسمگلنگ کی کوششیں جاری ہیں۔ ایسی سرگرمیوں کے خلاف انسداد ڈرون جیمرز اور دیگر آلات تعینات کیے گئے ہیں۔