دوحہ۔ 16؍ جنوری
ہندوستانی الٹرا رنر صوفیہ صوفی خان نے جو تین بار گینز ورلڈ ریکارڈ ہولڈر ہیں کامیابی کے ساتھ ایک اور کارنامہ انجام دیا۔انہوں انہوں نے قطر کے اردگرد تیز ترین دوڑ لگانے کا کارنامہ انجام دیا ہے ۔ انہوں نے تیس گھنٹے اور 34 منٹ میں اپنی پہلی بین الاقوامی مہم ‘ رن اکراس قطر’ مکمل کی، یہ 200 کلومیٹر جنوب سے شمالی الٹرا میراتھن دوڑ ہے۔
اس کی دو روزہ مہم 12 جنوری کی صبح ابو سمرہ سے شروع ہوئی اور 13 جنوری کی سہ پہر الرویس کے زولال ویلنس ریسارٹ میں اختتام پذیر ہوئی۔ گنیز ورلڈ ریکارڈ کو توڑنے کے علاوہ، صوفیہ کا مقصد دوڑ جیسی جسمانی سرگرمیوں کے ذریعے صحت مند طرز زندگی کی کےشعور اجاگر کرنا ہے۔
دوڑ سے پہلے انہوں نے کہاتھا کہ “پیدل چل کر دنیا کا چکر لگانا میرا خواب ہے اور میں اسے پورا کرنے کے لیے خود کو تیار کر رہی ہوں۔میں اپنی برداشت کی حدوں کو بڑھانے اور زیادہ سے زیادہ لوگوں کو دوڑنے کی ترغیب دینے کے لیے کام کرتی رہتی ہوں۔ ستینس سالہ نوجوان ہندوستان بھر میں اپنی لمبی دوری کے چیلنجوں کے لیے مشہور ہیں۔
انہوں نے 2019 میں کشمیر سے کنیا کماری تک سب سے تیز رفتار خاتون ہونے کا عالمی ریکارڈ اپنے نام کیا، 2021 میں گولڈن کواڈریلٹرل روڈ رن مکمل کرنے کے لیے ایک خاتون کی طرف سے تیز ترین وقت طے کرنے اور 2022 میں منالی-لیہہ ہمالین الٹرا رن چیلنج کا احاطہ کرنے کا عالمی ریکارڈ قائم کی۔
اس کی نئی کامیابی کو باضابطہ طور پر تسلیم کرنے کے لیے، اس کی قطر مہم کی دستاویزات گنیز ورلڈ ریکارڈ میں جمع کرائی جائیں گی۔ تصدیق ہونے کے بعد، یہ صوفیہ کا چوتھا گنیز ورلڈ ریکارڈ ٹائٹل ہوگا۔
