تین کشمیری نوجوانوں کو 22 جنوری کو امریکہ میں ہونے والی انٹرنیشنل اسنو سکلپچر چیمپئن شپ کے لیے منتخب کیا گیا ہے۔ بین الاقوامی برف کی مجسمہ سازی کے منتظم بریکنرج انٹرنیشنل کی طرف سے ایک باضابطہ دعوت نامے نے چاروں شرکا کو مقابلہ میں کولوراڈو، امریکہ میں ہندوستان کی نمائندگی کرنے کی دعوت دی۔

 ضلع بارہمولہ کے گاؤں پٹن سے ظہور دین لون، ضلع کپواڑہ کے دور افتادہ علاقے سے عرفان لطیف میر، بارہمولہ کے ماگام گاؤں سے تصدق حسین حجام اور اتر پردیش سے مردول اپادھیائے ہندوستانی برف کی مجسمہ ساز ٹیم بنائیں گے۔ یہ بریکنرج، کولوراڈو،امریکہ میں بین الاقوامی برف کی مجسمہ سازی چیمپئن شپ کا 32 واں ایڈیشن ہوگا۔  آرگنائزنگ کمیٹی کے پاس دنیا کے ہر جگہ سے فنکاروں کو مدعو کرنے کی تاریخ ہے۔

 دعوت نامہ  میں لکھا   گیا ہے کہ یہ واقعی ایک بین الاقوامی مقابلہ ہے جس میں آرٹ، ثقافت اور برف کی عارضی، خوبصورت فطرت کا جشن منایا جاتا ہے۔ہمیں بہت خوشی ہے کہ ہمیں انٹرنیشنل اسنو سکلپچر چیمپیئن شپ کے لیے منتخب کیا گیا ہے جو کہ بریکنرج، کولوراڈو،  امریکہ  میں ہونے والی ہے۔

ہم اس چیمپیئن شپ میں شرکت کا موقع فراہم کرنے پر آرگنائزنگ کمیٹی کے شکر گزار ہیں۔ٹیم لیڈر ظہور دین لون نے کہا کہ ٹیم انڈیا کی نمائندگی کرنا ہمارے لیے ایک بہت بڑی کامیابی ہے اور ہمیں بہت فخر ہے کہ ہمیں پورے کشمیر سے یہ موقع مل رہا ہے جو یہاں کے بہت سے دوسرے نوجوانوں کو متاثر کرے گا۔ وہ اس قسم کے بین الاقوامی ایونٹس میں شرکت کرنے اور کشمیر کو فخر کرنے کی کوشش کریں گے۔