اندور میں آسٹریلیا کے خلاف جاری تیسرے ٹیسٹ کے پہلے دن جہاں ہندوستانی اننگ صرف 109 رنز پر سمٹ گئی وہیں تیز گیند باز امیش یادیو نے ایک خاص کارنامہ انجام دیا۔ امیش نے 13 گیندوں میں دو چھکوں سمیت 17 رن بنائے۔ اسی کے ساتھ ہی انہوں نے کرکٹ کے طویل ترین فارمیٹ میں وراٹ کوہلی کے چھکوں کے ریکارڈ کی برابری کر لی۔

امیش کے دو چھکوں نے انہیں ٹیسٹ کرکٹ میں کوہلی کے 24 چھکوں کی برابری کرنے میں مدد کی۔ اس کے علاوہ امیش نے ٹیسٹ کرکٹ میں سب سے زیادہ چھکے لگانے کے معاملے میں ہندوستان کے سابق آل راونڈر روی شاستری (22) کو پیچھے چھوڑ دیا۔

امیش اس وقت سب سے زیادہ ٹیسٹ چھکے لگانے والے ہندوستانی کرکٹرز کی فہرست میں 17ویں نمبر پر ہیں۔ اس فہرست میں ویریندر سہواگ 91 چھکوں کے ساتھ سرفہرست ہیں جبکہ سابق کپتان ایم ایس دھونی (78) دوسرے نمبر پر ہیں۔

میچ کی بات کریں تو پہلے دن بھارت کو 109 رنوں پر آوٹ کرنے کے بعد آسٹریلیا نے دن کا کھیل ختم ہونے تک 4 وکٹوں پر 156 رن بنا لیے ہیں اور پہلی اننگز کی بنیاد پر 47 رنوں سے آگے ہیں۔