کولکاتہ ، 28 جنوری (انڈیا نیرٹیو)

سوربھی گنگولی کو ایک اور اسٹینٹ لگایا جائے گا

 ہندستانی کرکٹ کنٹرول بورڈ (بی سی سی آئی) کے چیئرمین ، سوربھ گنگولی کے دل میں ایک اور اسٹینٹ لگایا جائے گا۔ جمعرات کو اپولو ہسپتال کے ذرائع نے اس کی تصدیق کی۔

بتایا گیا ہے کہ انجیوگرام سے یہ بات واضح ہوگئی ہے کہ ان کے دل کی شریانوں میں رکاوٹیں ختم نہیں ہورہی ہیں ، جس کی وجہ سے ایک اور اسٹینٹ ڈالنے کی ضرورت ہے۔

 اس سے قبل 2 جنوری کو ، جب انہیں پہلی بار ہارٹ اٹیک ہوا تھا تو ڈاکٹروں نے ان کے دل میں پہلا اسٹینٹ ڈالاتھا۔ بعد ازاں 7 جنوری کو انہیں گھر بھیج دیا گیا ، لیکن بدھ کے روز ایک بار پھر سینے میں تکلیف کے بعد انہیں اپولو اسپتال میں داخل کرایا گیا۔

ہندستانی کرکٹ کنٹرول بورڈ (بی سی سی آئی) کے چیئرمین ، سوربھ گنگولی کوبدھ کو سینے میں درد کے بعد کولکاتہ کے اپولو اسپتال میں داخل کرایا گیا تھا،تاہم ان کی حالت مستحکم ہے۔

جمعرات کو اسپتال کی طرف سے جاری کردہ صحت کی بلیٹن میں ، بتایا گیا ہے کہ بدھ کی رات کو سوربھ گنگولی اچھے سے سوئے اور معمول کے مطابق کھانا کھایا۔ ان کی صحت میں گراوٹ نہیں آئی ہے۔

 ڈاکٹروں کی ٹیم نے پوری صورتحال پر نگاہ رکھی ہے۔ ان کے اہل خانہ کے افراد اسپتال میں رات بھر رہے ، جن کےٹھہرنے کے خصوصی انتظامات کیے گئے تھے۔ آج ، ان کا انجیوگرام یہ جاننے کے لیے کیا جائے گا کہ ان کے دل میں کس طرح کی پریشانی پیدا ہوئی ہے۔