پٹنہ ، 02 فروری (انڈیا نیرٹیو)

حضور ملک العلمااپنی ذات میں یکتاۓروزگار نظر آتے ہیں جن کی شخصيت  تعارف کی محتاج نہیں ہے۔ یہ باتيں مولانا شہنواز اختر رضوی مہتمم مدرسہ رضائے مصطفی جمال الدین چک کھگول نے حضور ملک العلما کے عرس کے موقع پر فاتحہ خوانی کے وقت کہی۔

انہوں کہا کہ حضور ملک العما۶کو یہ اعجاز حاصل ہے کہ انہیں اعلی حضرت امام اہلسنت امام احمد رضا خان فاضل بریلوی علیہ الرحمتہ کے معتمد اور خاص الخاص شاگرد و خلیفہ ہونے کا بھی شرف حاصل ہےاور آج جو دارالعلوم منظر اسلام کی درس و تدریس کی کرن جو مہمانان رسول کے دل و دماغ کو جو روشن کر رہی ہے۔

 اس کو شروع کرنے میں ملک العلمانے بہت اہم کردار انجام دیا ہے جو سنہرے حرفوں سے لکھنے کے قابل ہے آپ نے اپنی پوری زندگی دین متین کی خدمت وفکر رضا کی ترجمانی میں گزار دیا بہت سارے علوم و فنون پر کتابيں تصنیف فرمائی اور اوقات صلاۃ بنام مؤذن الاوقات یہ انہيں کا کارنامہ ہے ۔

جس سے آج ہم وقت پر نمازیں اداکر رہے ہیں ، اللہ پاک ان کی تربت پر رحمت و انوار کی خوب بارش برساۓاور ہم سب کو ان کے علمی فیضان سے خوب مالامال ہونے کی توفیق عطا فرمائے اور ان کے فکر و خیال کو عمل میں لانے کی توفيق عطا فرمائے۔