نئی دہلی، 27 اپریل ( انڈیا نیرٹیو)

 وزیر اعظم اور بھارتیہ جنتا پارٹی کے سینئر لیڈر نریندر مودی نے جمعرات کو ویڈیو کانفرنسنگ کے ذریعے کرناٹک کے بی جے پی کارکنوں اور عوام سے خطاب کرتے ہوئے کہا کہ بی جے پی اگلے 25 سالوں میں ملک کی ترقی یافتہ بنانا چاہتی ہے، جب کہ اپوزیشن کا ایجنڈا صرف اقتدار پر قبضہ کرنا ہے ۔

ریاست کے تمام پارٹی رہنماؤں، کارکنوں اور عوام سے خطاب کرتے ہوئے وزیر اعظم نے کہا کہ بی جے پی اور دیگر پارٹیوں کے درمیان ان کے نقطہ نظر میں بڑا فرق ہے۔ بی جے پی اگلے 25 سالوں میں ملک کو ترقی یافتہ بنانا چاہتی ہے، جب کہ اپوزیشن کا ایجنڈا صرف اقتدار پر قبضہ کرنا ہے۔

انہوں نے کہا کہ بی جے پی کا مقصد اگلے 25 سالوں میں ملک کو غربت سے پاک کرنا اور نوجوانوں کی صلاحیتوں کو آگے بڑھانا ہے۔ اس کے لیے بی جے پی حکومت نے گورنینس کے ہر شعبے میں اسکیل، اسپیڈ ، سوچ اور اپروچ  میں بنیادی تبدیلیاں کی ہیں۔

وزیر اعظم نے کہا کہ گذشتہ 9 سالوں میں ملک کا یہ تجربہ رہا ہے کہ جہاں ۔جہاں بھی بی جے پی کی ڈبل انجن والی حکومت ہے ،وہاں۔وہاں غریبوں کی فلاحی اسکیمیں تیزی سے زمین پر اتری ہیں۔

دوسری طرف جن ریاستوں میں بی جے پی کی حکومت نہیں ہے، وہاں کوشش کی جارہی ہے کہ مرکز کی کوئی اسکیم کامیاب نہ ہو۔ کچھ ریاستیں اس اسکیم سے جڑتی نہیں  ہوتیں اور کچھ ریاستیں ان کا نام تبدیل کر دیتی ہیں۔

وزیر اعظم نے کہا کہ کرناٹک زبان، ثقافت، ادب اور تاریخ کے شاندار ورثے سے مالا مال ریاست ہے۔