وزیر اعلیٰ نتیش کمار کی ہدیات ، آئی ٹی آئی میں طلبہ کو نئی ٹکنالوجی کی ٹریننگ دیں

 آن لائن کے ساتھ جسمانی تربیت کا انتظام کریں

پٹنہ ، 18 فروری (انڈیا نیرٹیو)

بہار کے وزیر اعلیٰ نتیش کمار نے جمعرات کو عہدیداروں کو ہدایت کی کہ وہ آئی ٹی آئی میں طلبہ کو نئی ٹکنالوجی کی تربیت دیں۔ طلبا کو بھی آن لائن کے ساتھ ساتھ جسمانی تربیت فراہم کریں۔

وزیر اعلیٰ نتیش کمارنے کہا کہ نئی ٹکنالوجی سیکھنے سے نوجوانوں کو بہتر روزگار ملے گا۔ محکمہ محنت وسائل نے آئی ٹی آئی میں سینٹر آف ایکسی لینس قائم کرنے کے لیے وزیر اعلیٰ کو تجویز پیش کی۔ اس دوران  بتایا گیا کہ ریاست میں تمام 149 آئی ٹی آئی میں ٹاٹا ٹکنالوجی کے ذریعہ سنٹر آف ایکسی لینس قائم کیا جائے گا۔ 

ایل جے پی کے 208 لیڈر اور کارکنان ملن تقریب میں جے ڈی یو میں شامل،چراغ پاسوان کو بتایا  ٹھگ

بہار اسمبلی انتخابات 2020 کے انتخابات میں قابل رحم کارکردگی کے بعد لوک جن شکتی پارٹی اور صدر چراغ پاسوان کے خلاف باغیوں میں اضافہ ہونا شروع ہوگیا ہے۔

دریں اثنا آج یعنی جمعرات کو جے ڈی یو کے ملن تقریب میں ایل جے پی سے بغاوت کے بعد برخاست لیڈر کیشو سنگھ سمیت کئی سیل کے صدر اور ضلع صدر جے ڈی یو میں شامل ہوگئے۔ جے ڈی یو کے قومی صدر آر سی پی سنگھ نے سبھی ایل جے پی سے آئے لیڈروں کو پارٹی  کی رکنیت دلائی۔ 

ایل جے پی سے جے ڈی یو میں شامل رام ناتھ رمن پاسوان نے ایل جے پی صدر چراغ پاسوان پرحملہ کرتے ہوئے کہا کہ وہ ٹھگ ہیں جو بہار میں پیدا نہیں ہوا ، انہیں بہار کے بارے میں کیا معلوم ہوگا۔

 انہوں نے الزام لگایا کہ چراغ نے رام ولاس پاسوان کو 2 ماہ تک اسپتال میں قیدی بنا کر رکھا۔ کہا کہ جانچ ہوئی تو چراغ جیل جائیں گے۔انہوں نے الزام لگایا کہ ایل جے پی ٹھگوں کا گروہ ہے۔

اس سے قبل ملن تقریب سے خطاب کرتے ہوئے ریاستی صدر امیش کشواہا نے کہا کہ یکم مارچ کو وزیر اعلیٰ نتیش کمار کی سالگرہ ہے۔اس موقع پر جے ڈی یو ان کی سالگرہ کی  تقریب ہر بوتھ پر منانے کی تیاری کررہا ہے۔