پسماندہ طبقوں سے تعلق رکھنے والی 19 خواتین اس وقت شہر میں آٹو ڈرائیور کے طور پر کام کر رہی ہیں، جس سے مرد کے زیر تسلط پیشے میں خلل پیدا ہو رہا ہے۔خواتین کو بااختیار بنانے کے اس اقدام کی سربراہی ایک کمرشل پائلٹ ازمیرا بوبی کر رہی ہیں جنہوں نے پسماندہ کمیونٹی سے تعلق رکھنے والی خواتین کو آٹو ڈرائیونگ کو اپنا پیشہ اختیار کرنے کے لیے تعلیم، تربیت اور بااختیار بنانے کا بیرا اٹھایا ہے۔

ای  ٹی او موٹرز پرائیویٹ لمیٹڈایک الیکٹرک موبلٹی سروس فراہم کرنے والا، شاہین گروپ ( این جی او) کے تعاون سے، ان بے روزگار خواتین کو تربیت کے بعد الیکٹرک آٹو فراہم کر رہا ہے۔’خواتین مالکان/ڈرائیور شراکت داروں کے ذریعہ معاش اور پائیداری کے پروگرام’ کے تحت، خواتین کو پہلے ای آٹوز کو اچھی طرح سے چلانے کی تربیت دی جاتی ہے اور پھر ریجنل ٹرانسپورٹ اتھارٹی (آر ٹی اے) سے لائسنس کے لیے درخواست دی جاتی ہے۔

ازمیرا بوبی نے کہا، مقامی خواتین کے ساتھ، دہلی میں 30 اور اتر پردیش میں 250 لڑکیاں بھی اپنے متعلقہ روڈ ٹرانسپورٹ انتظامیہ کے تعاون سے زیر تربیت ہیں۔”ڈرائیونگ کے اسباق کے علاوہ، انہیں کسٹمر مینجمنٹ اور کام پر حفاظت کی بھی تربیت دی جاتی ہے۔مزید برآں، مغل پورہ گراؤنڈز اور شہر بھر میں کئی دیگر مقامات پر بلاتعطل ڈرائیونگ کے تجربے کے لیے چارجنگ اسٹیشن قائم کیے گئے ہیں۔

ہمارے  نامہ  نگار سے بات کرتے ہوئے  ایک خاتون آٹو ڈرائیور، جو اولڈ سٹی کی حدود میں کام کرتی ہے، نے کہا کہ اس نے یہ پیشہ اس لیے اختیار کیا ہے تاکہ وہ اپنے شوہر کی مالی مدد کر سکیں۔خاتون نے یہ بھی کہا کہ صارفین نے اس کی بہادری کی تعریف کی جب کہ اس کے آٹو میں سفر کرنے والی نوجوان لڑکیوں نے کہا کہ وہ خاتون ڈرائیور کے ساتھ زیادہ محفوظ محسوس کرتی ہیں۔

بوبی نے بتایا کہ “جب کہ تمام کمیونٹیز کی خواتین اس پیشہ کو اپنانے کے لیے مثبت رویہ اختیار کر رہی ہیں، وہیں مسلم کمیونٹی سے تعلق رکھنے والی خواتین کی جانب سے زبردست ردعمل موصول ہو رہا ہے۔آٹو ڈرائیوروں کے مطابق، وہ روزانہ 1000 سے 1500 روپے کما  سکتی ہیں، اور خواتین کو بااختیار بنانے والے گروپ کو دن کے اختتام پر 500 روپے ادا کیے جاتے ہیں تاکہ اس کے کام کاج میں مدد مل سکے۔