حکومت نے بھارت کی آزادی کے 75 سال منانے کے لیے وزیراعظم کی سربراہی میں ایک قومی کمیٹی تشکیل دی

حکومت نے بھارت کی آزادی کے 75 سال منانے کے لیے وزیراعظم نریندر مودی کی سربراہی میں ایک قومی کمیٹی تشکیل دی ہے۔ اِس کمیٹی میں 259 ارکان ہیں جس میں زندگی کے مختلف شعبوں سے تعلق رکھنے والی شخصیتیں اور ممتاز شہری بھی شامل ہیں۔

 یہ کمیٹی قومی اور بین الاقوامی سطحوں پر بھارت کی آزادی کی 75ویں سالگرہ منانے کیلئے مختلف پروگراموں کی تشکیل کے لیے پالیسی ہدایت اور رہنما خطوط فراہم کرے گی۔

 بھارت کی آزادی کے 75 سال پورے ہونے کی تقریبات، اِس سال 12 مارچ کو، اِس تاریخ سے 75 ہفتے پہلے شروع کرنے کی تجویز رکھی گئی ہے۔ 12 مارچ مہاتما گاندھی کی قیادت میں تاریخی نمک ستیہ گرہ کے 91 سال بھی مکمل ہورہے ہیں۔

اِس کمیٹی کی پہلی میٹنگ پیر کو منعقد ہوگی جس میں آزادی کی تقریبات منانے کی تیاری کے سلسلے میں سرگرمیوں سے متعلق طریقہ کار پر تبادلہ خیال کیا جائے گا۔

حکومت، آزادی کا اَمرِت مہتسو کی شکل میں بھارت کی آزادی کے 75 سال قومی اور بین الاقوامی سطح پر انتہائی مؤثر انداز میں منانے کا ارادہ رکھتی ہے۔ اِس سے پہلے آزادی کی یادگار منانے کیلئے قومی سطح کی ایک نفاذ کمیٹی تشکیل دی گئی تھی تاکہ مختلف وزارتوں کی جانب سے کیے جانے والے پروگراموں اور پالیسیوں کی رہنمائی کی جاسکے۔ سکریٹریٹس کی ایک کمیٹی بھی اِس مقصد کیلئے قائم کی گئی ہے۔

سرکار نے بھارت کی آزادی کی پچہتر سال پورے ہونے کی تقریباتمنانے کے لیے وزیراعظم نریندر مودی کی سربراہی میں ایک قومی کمیٹی قائم کی ہے۔ یہ کمیٹی259 ارکان پر مشتمل ہے اور اِس میں زندگی کے سبھی شعبوں سے وابستہ سرکردہ شہری اورشخصیات شامل ہیں۔ کمیٹی قومی اور بین الاقوامی سطح پر پروگراموں کیلئے پالیسی اور رہنمااصول طے کرے گی۔ بھارت کی آزادی کی 75 سالہ تقریبات اِس سال 12 مارچ سے پہلے شروع کیجائیں گی، جن کے 75 ہفتے تک جاری رکھنے کی تجویز ہے۔ مہاتماگاندھی کی طرف سے تاریخینمک ستیہ گرہ شروع کرنے کو 12 مارچ کو 91 سال پورے ہوجائیں گے۔ کمیٹی کی پہلی میٹنگپیر کے روز ہوگی۔