کواڈ ممالک جمہوری اقدار کے تئیں متحد اور بھارت۔بحرالکاہل کے عزم کے تئیں عہد بند: وزیر اعظم

وزیر اعظم نریندر مودی نے، پہلیQuadسمٹ میں ساگر سیکورٹی، اور بھارت-بحرالکاہل میں سبھی کی ترقی کے بھارت کے وِژن کے مطابق، ایک آزاد، کھلے اور سب کی شمولیت والے خطے سے متعلق عزم کو دہرایا ہے۔

سلسلے وار ٹوئیٹس میں وزیر اعظم نے کہا کہ ویکسین، آب و ہوا میں تبدیلی اور ابھرتی ہوئی ٹکنالوجیز، Quad کو، دنیا کی بھلائی اور بھارت-بحرالکاہل میں امن و استحکام اور خوشحالی کیلئے ایک مثبت طاقت بناتے ہیں۔ جناب مودی نے کہا کہ ملکوں نے کووڈ19- کے محفوظ ٹیکوں کی رسائی کو یقینی بنانے کیلئے سنگِ میل کی حیثیت رکھنے والی ایکQuad شراکت داری کا آغاز کیا ہے۔

انہوں نے یہ بھی کہا کہ ویکسین تیار کرنے کی بھارت کی زبردست صلاحیت کو، جاپان، امریکہ اور آسٹریلیا کی مدد سے توسیع دی جائے گی تاکہ بھارت-بحرالکاہل خطے میں ملکوں کی مدد کی جاسکے۔

کواڈ ملکوں نے بھارت۔بحراہلکاہل خطے اور اُس کے آس پاس، سلامتی اور خوشحالی کو فروغ دینے کیلئے ایک ایسے آزاد، کھلے، اصولوں پر مبنی نظام کو ترقی دینے کے عزم کا اظہار کیا ہے جس کی جڑیں بین الاقوامی قانون سے وابستہ ہوں۔ 

کَلQUAD سمٹ کے بعد پہلی مرتبہ جاری کئے گئے ایک مشترکہ بیان میںQUAD رہنماﺅں نے کہا کہ وہ قانون کی بالادستی، سمندری راستوں کے استعمال اور اِن پر سے پروازیں کرنے، تنازعات کے پُرامن حل، جمہوری اقدار اور علاقائی سالمیت کی حمایت کرتے ہیں۔ انہوں نے آسیان کے اتحاد اور مرکزیت نیز، بھارت۔بحرالکاہل کے بارے میں آسیان کے نظریے کی زبردست حمایت کا اعادہ کیا۔ 

مشترکہ بیان میں کہا گیا ہے کہQUAD امن وخوشحالی برقرار رکھنے اور آفاقی قدروں پر مبنی جمہوری تحمل کا استعمال چاہتا ہے۔

QUAD کے رہنماﺅں نے آسٹریلیا، بھارت، جاپان اور امریکہ کے مابین چوطرفہ تعاون کے عزم کو دہرایا۔ انہوں نے کہا کہ وہ ایک آزاد اور کھلے بھارت۔بحرالکاہل خطے کیلئے ایک مشترکہ نظریے پر متحد ہیں۔

انہوں نے کووڈانیس کے اقتصادی اور صحت سے متعلق اثرات سے نمٹنے، آب و ہوا میں تبدیلی سے نمٹنے اور سائبر اسپیس، اہم ٹکنالوجیز، دہشت گردی سے نمٹنے اور اعلیٰ معیار کے بنیادی ڈھانچے میں سرمایہ کاری سے متعلق مشترکہ چیلنجوں سے نمٹنے کا بھی عزم کیا۔ 

QUAD رہنماﺅں نے کہا کہ وہ محفوظ، کم خرچ اور موثر ویکسین تیار کرنے اور اِسے مساویانہ طور پر فراہم کرنے کے عمل کو توسیع دینے کیلئے دنیا کی طاقتوں میں شامل ہوں گے۔ انہوں نے عالمی صحت تنظیم میں شفاف اور نتیجہ خیز اصلاح کیلئے بھی آواز اٹھائی۔ 

جہاں میاما اور اس کے لوگوں کی طویل عرصے سے جاری حمایت کا سوال ہےQUAD ملکوں نے جمہوریت کی بحالی کی فوری ضرورت اور جمہوری تحمل کو مستحکم کرنے کی ترجیح پر زور دیا۔