فیس بک ، واٹس ایپ اور انسٹاگرام کچھ دیر کے لیےٹھپ

نئی دہلی ، 20 مارچ (انڈیا نیرٹیو)

فیس بک ، واٹس ایپ اور انسٹاگرام جمعہ کی رات 11 بجے سے تقریباً 45 منٹ کے لیےٹھپ ہوگئے۔ اس سے صارفین کو بہت پریشانی کا سامنا کرنا پڑا۔ اب تینوں ایپس نے دوبارہ کام کرنا شروع کردیا ہے ، لیکن سوشل میڈیا پر لوگ ان ایپس کے ڈاؤن ہونے کے بارے میں مستقل اپنی رائے دے رہے ہیں۔

ٹویٹر او فیس بک پر واٹس ایپ ڈاؤن اور انسٹاگرام ڈاؤن ٹرینڈ کررہا ہے ، جس پر لوگ میمس شیئر بھی کررہے ہیں۔ واٹس ایپ ڈاؤن ہونے پر سوشل میڈیا کمپنی کی جانب سے جاری بیان میں کہا گیا ہے کہ لوگوں کے صبروتحمل کا شکریہ۔ واٹس ایپ نے ٹویٹ کیا ’45 منٹ تک سروس میں خلل پڑا ، لیکن ہم واپس آگئے ہیں۔‘

دوسری طرف ، لوگ جو فیس بک ، واٹس ایپ اور انسٹاگرام کے ڈاؤن ہونے سے پریشان ہوئے وہ مختلف ہیش ٹیگز کے ذریعے اپنی پریشانی اور غصے کا اظہار کررہے ہیں۔