ڈوڈہ ،23مارچ(انڈیا نیرٹیو)
مرکز کے زیر انتظام علاقہ جموں و کشمیر کے پہاڑی ضلع ڈوڈہ میں منگل کی صبح ایک ماروتی کار کو پیش آئے حادثہ میں ایک شخص موقع پر ہی جاں بحق ہوا ہے ۔تفصیلات کے مطابق سڑک کا یہ حادثہ بٹوت کشتواڑ قومی شاہراہ پر واقع پُل ڈوڈہ کے مقام پر پٹرول پمپ کے نزدیک پیش آیا جب ایک ماروتی وین زیر نمبرPB35L-3419 بھالہ سے ڈوڈہ کی طرف جا رہی تھی ۔جونہی گاڑی پُل ڈوڈہ کے پاس میں پٹرول پمپ کے نزدیک پہنچی تو ڈرائیور کے قابو سے باہر ہو کر پانچ سو فِٹ سڑک سے نیچے جاگری جس کے نتیجہ میں گاڑی میں سوار شخص کی موقع پر ہی موت واقع ہو گئی بتایا جا رہا ہے کہ حادثہ کے وقت گاڑی میں ایک ہی شخص سوار تھا ۔
حادثہ کی خبر پھیلتے ہی مقامی لوگوں کے علاوہ پولیس نے جائے حادثہ پر پہنچ کر بچاؤ کاروائی شروع کی ۔اس عمل میں ڈوڈہ کی رضاکار تنظیم، ابابیل، نے اپنی نجی ایمبولنس کے ذریعے خون میں لت پت شخص کو میڈیکل کالج ڈوڈہ پہنچایا ۔حادثہ میں جاں بحق شخص کی شناخت امجد حسین ولد شوکت حسین قاضی عمر 35 برس سکنہ بھالہ ضلع ڈوڈہ کے طور ہوئی ہے ۔جس جموں و کشمیر پولیس میں سپاہی تھا ۔اسپتال سے قانونی لوازمات مکمل کرنے کے بعد نعش کو لواحقین کے سپرد کر دیا گیا ۔
ڈوڈہ میں آتشزدگی سے سرکاری عمارت خاکستر
ضلع صدر مقام ڈوڈہ میں گزشتہ شب احاطہ تحصیل دفتر میں قائم ڈسٹرکٹ سٹیسٹک اینڈ ایوالویشن کی عمارت میں اچانک آگ کی ہولناک وادارت میں عمارت کی چھت و دیگر ساز و سامان جل کر راکھ کے ڈھیر میں تبدیل ہو گیا۔آگ کی یہ واردات گزشتہ شب گیارہ بجے کے قریب رونما ہوئی ۔اور بارش کے باوجود آگ نے مختصر وقت کے اندر پوری عمارت کو اپنی لپیٹ میں لے لیا ۔
جب تک آگ بجھانے کی گاڑیاں موقع واردات پر پہنچتی تب تک آگ عمارت میں لگی لکڑی کی وجہ سے تیزی کے ساتھ پھیل چُکی تھی جس کو قابو کرنے میں فائر عملہ کو کافی مشقت کرنی پڑی۔موقع پر ڈی. سی ڈوڈہ وکاس شرما نے آگ کی وادارت کا معائینہ کیا اور اُن کی نگرانی میں آگ بجھانے کی کاروائی عمل میں لائی گئی ۔
ڈی.سی ڈوڈہ نے میڈیا سے بات کرتے ہوئے کہا کہ آگ کی وجہ شارٹ سرکٹ ہو سکتی ہے چوں کہ ضلع میں دو دِن سے مسلسل بارش ہو رہی ہے اور ہو سکتا ہے کہ اُسی وجہ سے کہیں خرابی آئی ہو گئی ۔مزید بتایا کہ آگ کی وادارت تحصیل دفتر کے بلکل ساتھ میں قائم ڈسٹرکٹ سٹیسٹک اینڈ ایوالویشن دفتر میں رونما ہوئی ہے ۔اور آگ پر ابھی مکمل طور قابو کر لیا گیا ہے ۔ دفتر میں رکھے گئے سامان کے نقصان کا بعد میں جائزہ لیا جائے گا ۔لیکن اس آگ سے تحصیل دفتر میں کوئی نقصان نہیں ہوا ہے ۔تمام ریکارڈ محفوظ ہے ۔
