نئی دہلی ، 24 مارچ (انڈیا نیرٹیو)

ملک میں کورونا مریضوں کی تعداد ایک بار پھر تیزی سے بڑھنے لگی ہے۔ گزشتہ 24 گھنٹوں کے دوران ، کورونا کے 47 ہزار 275 نئے کیس رپورٹ ہوئے ہیں۔ اس کے ساتھ ، کورونا مریضوں کی تعداد بڑھ کر 1کروڑ،17لاکھ،34ہزار،058 ہوگئی ہے۔ اس بیماری سے اموات کی تعداد بڑھ کر 1لاکھ،60ہزار،441 ہوگئی ہے جب کہ گزشتہ 24 گھنٹوں کے دوران اس میں 275 اموات ہوئیں۔

بدھ کی صبح مرکزی وزارت صحت کی جانب سے جاری کردہ اعداد و شمار کے مطابق ، ملک میں 3لاکھ،68ہزار،457 سرگرم مریض ہیں۔ کورونا سے اب تک 1کروڑ،12لاکھ،05ہزار،160 مریض بازیاب ہوئے ہیں۔ وہیں ملک کی بازیابی کی شرح 95.49 فیصد رہی ہے۔

گزشتہ24 گھنٹوں میں10 لاکھ سے زیادہ ٹیسٹ

ملک میں گزشتہ 24 گھنٹوں کے دوران 10 لاکھ سے زیادہ کورونا ٹیسٹ ہو چکے ہیں۔ آئی سی ایم آر کے مطابق ، 23 مارچ کو 10لاکھ،25ہزار،628 ٹیسٹ کئے گئے تھے۔ ملک میں اب تک مجموعی طور پر 23کروڑ،64لاکھ،38ہزار،861 ٹیسٹ کئے جاچکے ہیں۔

شمال مشرق میں کورونا متاثرہ کی تعداد 33 لاکھ 46 ہزار

گزشتہ 24 گھنٹوں میں 77 نئے مریضوں کی شناخت

شمال مشرق کی ریاست آسام ،تریپورہ ،منی پور،ناگالینڈ،اروناچل ،میزورم ،میگھالیہ اورسکم میں کرونا کے مریضوں کی تعداد میں گزشتہ چند دنوں سے اطمینان بخش بہتری دیکھنے میں آئی ہے۔ ان ریاستوں میں مریضوں کی بازیابی کی شرح تیز ی سے بڑھ رہی ہے۔ دریں اثنا، شمال مشرق میںکوروناکے معاملے آسام ،تریپورہ اورمنی پورمیں سرفہرست ہیں ۔ 

شمال مشرق میں شمال مشرق میںگزشتہ 2 4 گھنٹوں کے دوران کل 77 نئے مریضوں کی شناخت ہوئی ہے۔ اس طرح متاثرہ افراد کی کل تعداد 33 لاکھ ، 46 ہزار 20 واقع ہوئی ہے۔ ان میں 33 لاکھ ، 01 ہزار ، 79 مریض صحت مندہوچکے ہیں۔ شمال مشرق میں گزشتہ 24 گھنٹے میں کل 46 مریض مکمل صحت مندہوئے ہیں ،جب کہ 514 مختلف اسپتالوں میں زیرعلاج ہیں۔ اب تک کورونا متاثر 2 ہزار ، 305 مریضوں کی موت ہوچکی ہے،اور 05 مریض شمال مشرق سے باہر چلے گئے ہیں۔