آج شام کورونا کی صورت حال اور ٹیکہ کاری کو وسعت دینے کے بارے میں سبھی وزرائے اعلیٰ کے ساتھ وزیر اعظم کی میٹنگ

وزیر اعظم نریندر مودی بھارت میں جاری کووڈ کی صورت حال پر تبادلہ خیال کی غرض سے آج تمام ریاستوں کے وزرائے اعلیٰ کے ساتھ میٹنگ کریں گے۔ یہ میٹنگ کووڈ کے نئے معاملوں میں تیزی سے اضافے کے پیش نظر منعقد ہوگی۔ جناب مودی ورچوئل میٹنگ کے دوران جاری ٹیکہ کاری مہم پر تبادلہ خیال کریں گے۔

وزیر اعظم جناب مودی نے پچھلی مرتبہ 17 مارچ کو وزرائے اعلیٰ کے ساتھ بات چیت کی تھی۔ انہوں نے ملک کے مختلف حصوں میں کووڈ انیس کے معاملوں میں اضافے پر تشویش کا اظہار کیا تھا اور کووڈ کی ابھرتی ہوئی دوسری لہر کو روکنے کے لیے جلد اور فیصلہ کن اقدامات کرنے کی ضرورت پر بھی زور دیا تھا۔