صارف فیس بک پوسٹس ، مواد اور ویڈیوز کے سلسلے میں اپیل کرسکیں گے

لندن ، 14 اپریل (انڈیا نیرٹیو)

فیس بک اپنے صارف کی سہولت کے لیے ، ایک اور ٹول فراہم کرنے جارہا ہے جس میں صارف پوسٹس ، تصاویر اور ویڈیوز کے بارے میں اپیل کرسکتاہے۔ اس کا انتظام فیس بک کے ذیلی ادارہ اوورائٹ بورڈ کے ذریعہ کیا جائے گا۔بورڈ ایسے صارفین کے معاملات کو قبول کرے گا جو دوسروں کے ذریعے شائع کردہ موادپراپنااعتراض درج کرائے گا۔موجودہ نظام کے مطابق صارفین نگرانی بورڈ سے صرف اس وقت اپیل کرسکتے ہیں جب فیس بک نے ان کا مواد ہٹا دیا ہو۔ 

تھامس ہیوز ، ڈائریکٹر اوورائٹ بورڈ ایڈمنسٹریشن کاکہناہے کہ صارفین کو فیس بک سے مواد ہٹانے کے لئے اپیل کرنے کا حق دینا اوورائٹ بورڈ کی صلاحیتوں کی ایک اہم توسیع ہے۔فیس بک نے گزشتہ سال نگرانی پینل قائم کیا تھا۔ اس پینل کو یہ فیصلہ کرنے کا حق دیا گیا تھا کہ آیا فیس بک کے پلیٹ فارم پر کوئی خاص مواد ہوگایانہیں۔

انٹرنیٹ میڈیا فیس بک باقاعدگی سے ہزاروں اکاونٹس اور پوسٹ کو اس کے مشمولات اور حالات کے مطابق ہٹاتا ہے۔ نگرانی بورڈ کے قیام کے بعد سے ، اسے پوری دنیا سے تین لاکھ سے زیادہ اپیلیں موصول ہوئی ہیں۔ تاہم ، بورڈ ان معاملات پر نظر ثانی کو ترجیح دے رہا ہے جو زیادہ صارفین کو متاثر کرتے ہیں۔