افغانستان کے مستحکم مستقبل میں ہندوستان ، پاکستان اور روس کی شراکت داری: جو بائیڈن

واشنگٹن ، 15 اپریل (انڈیا نیرٹیو)

امریکی صدر جو بائیڈن نے کہا ہے کہ افغانستان کے مستحکم مستقبل میں ہندوستان ، پاکستان اور روس کا کردار اہم ہوسکتا ہے۔ ان علاقائی شراکت داروں کو آگے بڑھنا چاہئے اور افغانستان میں امن کے قیام کے لیے کام کرنا چاہیے۔ قابل ذکر ہے کہ صدر بائیڈن نے 11 ستمبر تک امریکی فوجوں کے افغانستان سے مکمل انخلا کا اعلان کیا ہے۔

بائیڈن نے کہا کہ ہم دوسرے ممالک سے بھی اس میدان میں تعاون کرنے کو کہیں گے۔ خاص طور پر پاکستان ، روس ، چین ، ہندوستان اور ترکی سے مزید تعاون کی توقع کی جارہی ہے۔ ان ممالک کی افغانستان کے مستحکم مستقبل کےلیے نمایاں شراکت داری ہے۔

وائٹ ہاؤس کے پریس سکریٹری جین ساکی نے کہا کہ افغانستان کی موجودہ صورت حال کا کوئی فوجی حل نہیں ہے ، بلکہ سفارتی حل کی ضرورت ہے۔ انہوں نے کہا کہ اپنی فوجوں کے انخلا کے بعد بھی امریکہ سفارتی اور انسان دوست کاموں میں افغانستان کی حمایت جاری رکھے گا۔ ہم وہاں ضروری انسانی وسائل کی فراہمی جاری رکھیں گے۔

 قابل ذکر ہے کہ فروری میں دوحہ میں امریکہ اور طالبان کے مابین ہونے والے معاہدے کے مطابق ، امریکہ نے 14 ماہ کے اندر اپنی تمام فوج افغانستان سے واپس بلانے پر اتفاق کیا تھا۔