سعودی عرب میں آسٹرازینیکا سےخون میں پھٹکیاں بننے کے 15کیسز کی تصدیق

ریاض،20اپریل(انڈیا نیرٹیو)

سعودی عرب میں برطانوی کورونا ویکسین آسٹرازینیکا سے خون میں پھٹکیاں بننے کے 15کیسز کی تصدیق ہوگئی۔سعودی میڈیا کے مطابق خون میں پھٹکیاں بننے کے کیسز کی تصدیق سعودی فوڈاینڈ ڈرگ اتھارٹی (ایس ایف ڈی اے) نے کی۔ایس ایف ڈی اے کا کہنا ہے کہ خون میں پھٹکیاں بننے کی شکایات کا سائنسی، تکنیکی جائزہ لیا جارہاہے، آسٹرازینیکا ویکسین کے ممکنہ خطرات کے مقابلے میں فوائد زیادہ ہیں۔

اس سے قبل ناروے میں آسٹرازینیکا ویکسین لگوانے کے بعد خون میں کلاٹس بننے (خون جمنے) کے نئے کیسز سامنے آنے کے بعد نیدرلینڈز نے برطانوی کورونا ویکسین ایسٹرازینیکا کا استعمال عارضی طور پر روک دیا تھا۔ آسٹرازینیکا کےاستعمال پرخون کی پھٹکیاں بننے کے واقعات کے بعد آئرلینڈ نے ویکیسن کا استعمال روک دیا تھا، ڈنمارک، آئس لینڈ اور اٹلی بھی ویکسین کا استعمال عارضی طور پر روک چکے ہیں۔

دوسری جانب یورپی یونین نے فائزر کمپنی سے کووڈ ویکسین کی 10 کروڑ اضافی خوراک لینے کا فیصلہ کیا ہے۔ ڈبلن سے آئرش میڈیا کے مطابق آئرلینڈ یورپی یونین ویکسی نیشن اسکیم کے تحت 10 لاکھ سے زیادہ خوراکیں خرید سکتا ہے۔ اس طرح یورپی یونین کی فائزر بائیوٹیک سے خریدی گئی ویکسین کی مجموعی تعداد 60 کروڑ تک پہنچ جائے گی۔