بالی جزیرے کے قریب ڈوبی آبدوز میں 53 افراد سوار تھے

بھارتی بحریہ نے ڈی ایس آر وی کو وشاکھاپٹنم سے انڈونیشیا کے لیے روانہ کیا

نئی دہلی، 23اپریل (انڈیا نیرٹیو)

 انڈونیشیا میں ایک تربیتی آپریشن کے دوران بدھ کو جزیرے بالی کے قریب سمندر میں 53 افراد کے ساتھ غرق آب ہوئی آبدوز کے آر آئی ننگلہ کو تلاش کرنے میں بھارتی بحریہ انڈونیشیا کی مدد کرے گی۔ جمعرات کے روز ، بھارتی بحریہ نے انڈونیشیا کی بحریہ کی مدد کے لیے فوری طور پراس کے لیے استعمال ہونے والی خصوصی آبدوز، ڈی ایس آر وی کو وشاکھاپٹن سے روانہ کیا ہے۔

بھارتی بحریہ کے ترجمان ویویک مدھوال کے مطابق ، بھارت دنیا کے ان چند ممالک میں سے ایک ہے جوسمندر میں غرق آبدوز کو ڈی ایس آر وی کے تلاش اور دفاع کرنے کی اہل ہے۔ بھارتی بحریہ کا ڈی ایس آر وی سسٹم 1000 میٹر کی گہرائی تک آبدوزوں کا پتہ لگاسکتا ہے۔

انڈونیشیا کے قومی مسلح افواج کے کمانڈر ہادی جاہ جنتو کے مطابق ، ان کی آبدوز کے آر آئی ننگلہ جزیرے بالی کے تقریبا 95 کلومیٹر دور سمندر میں لاپتہ ہوگئی ہے ، جس میں 53 افراد سوار تھے۔ حادثے کے وقت یہ جمعرات کو میزائل داغنے کی ایک مشق کی تیاری کر رہی تھی۔ اس مشق میں فوجی سربراہ اور دیگر اعلی فوجی افسران کو شامل ہونا تھا۔

ہادی جاہ جنتو انڈونیشیا کی فضائیہ کے ایئر چیف مارشل ہیں اور اس وقت انڈونیشیائی نیشنل آرمڈ فورس کے کمانڈر ہیں۔ بھارت سے مدد مانگتے ہوئے ، انہوں نے یہ بھی بتایا کہ انڈونیشیا کی بحریہ نے آبدوز کی تلاش کے لیے اس علاقے میں جنگی جہاز تعینات کردیئے ہیں۔ تلاشی اور امداد کے لیے سنگاپور اور آسٹریلیا سے بھی مدد لی گئی ہے جن کے پاس سب میرین سپورٹ سسٹم ہیں۔

انڈونیشیا کی یہ آبدوز جرمنی میں تیار کی گئی تھی اور 1980 کی دہائی سے بحریہ میں شامل ہے۔ انڈونیشیا کے بحری بیڑے کے پاس اس وقت مجموعی طور پر پانچ آبدوزیں ہیں اور 2024 تک یہ تعداد آٹھ تک بڑھانے کا منصوبہ ہے۔