کورونا سے لڑنے کے لیے 40 امریکی کمپنیوں کے سی ای او نے عالمی ٹاسک فورس تشکیل دی

واشنگٹن ، 27 اپریل (انڈیا نیرٹیو)

بھارت سے یکجہتی ظاہر کرتے ہوئے ، 40 امریکی کمپنیوں کے سی ای او نے کورونا سے لڑنے کے لیے گلوبل ٹاسک فورس تشکیل دی ہے۔

ڈیلوئیٹ کے سی ای او پونیت رنجن نے بتایا کہ پیر کو یو ایس انڈیا بزنس کونسل ، یو ایس چیمبرز آف کامرس ، یو ایس انڈیا اسٹریٹیجی اور پارٹنرشپ فورم بزنس راؤنڈ ٹیبل کا اجلاس ہوا۔ اس دوران بتایا گیا کہ 20ہزار، آکسیجن کنسنٹریٹر ہندوستان کو فراہم کی جائیں گی۔ اس اقدام کے تحت ہندوستان کو طبی سامان مہیا کیا جائے گا۔ اسے ' وبائی ردعمل پر عالمی ٹاسک فورس ' نام دیا گیا ہے۔

سی ای او پونیت رنجن نے ایک سوال کے جواب میں کہا کہ اس ہفتے کے آخر میں متعدد امریکی کمپنیاں اکٹھی ہوئیں۔ انہوں نے بتایا کہ وہ ہر ممکن طریقے سے مدد پر توجہ دیں گے۔ جیسا کہ وزیر اعظم نریندر مودی نے کہا کہ پہلی لہر سے کامیابی کے ساتھ نمٹنے کے بعد ، ہم بہت پراعتماد ہیں ، ہمارا حوصلہ بلند ہے لیکن اس لہر نے ملک کو ہلا کر رکھ دیا ہے۔ اب ہماری ذمہ داری ہے کہ اس سے کسی طرح نمٹا جائے۔ انہوں نے کہا کہ سب سے اہم آکسیجن اور اس کے کنسنٹریٹرس ہیں۔ 20ہزار، آکسیجن کنسنٹریٹر اگلے چند ہفتوں میں بھارت کو بھیجا جائے گا۔

انہوں نے کہا کہ سب سے پہلے 1ہزار، مشینیں اس ہفتے تک پہنچ جائے گی اورپھر 11ہزار، مشینیں 05 مئی تک پہنچنے کی توقع ہے۔انہوں نے کہا کہ دوسرا مسئلہ 10 لیٹر اور 45 لیٹر کی گنجائش والے آکسیجن سلنڈر بھیجنا ہے۔

رنجن نے وزیر اعظم نریندر مودی اور صدر جو بائیڈن کے مابین ہونے والی بات چیت اور بھارت کو فوری طور پر طبی سامان کی فراہمی کے امریکہ کے فیصلے کا خیرمقدم کیا ہے۔ انہوں نے کہا کہ دونوں ممالک قدرتی اتحادی ہیں۔ ساتھ ہی ڈےلوئیٹ کے بھارت میں تقریبا 2ہزارملازم کوروناوائرس سے متاثر ہیں۔

انہوں نے کہا کہ صورت حال انتہائی خوفناک ہے۔ خاص طور پر ان لوگوں کے لیے جو اپنے کنبے سے محروم ہوگئے ہیں۔ ہماری تعزیت ان کے ساتھ ہے اور ہم اپنی طرف سے تعاون کر رہے ہیں۔