وزیر اعظم نریندر مودی یوروپی کونسل کی میٹنگ میں مہمان خصوصی

وزیر اعظم نریندر مودی آج مہمان خصوصی کے طور پر یوروپی کونسل کی میٹنگ میں شرکت کریں گے۔بھارت یوروپی یونین کے رہنماﺅں کی میٹنگ کی میزبانی پرتگال کے وزیر اعظم آنتونیو کوستا کررہے ہیں۔ یوروپی یونین کی کونسل کی صدارت فی الحال پرتگال کے پاس ہے۔

اس میٹنگ میں وزیر اعظم نریندر مودی اور یوروپی یونین کے سبھی 27سربراہان مملکت یا حکومت شرکت کریں گے۔ یوروپی یونین اور 27 ممالک نے امریکی صدر سے اِس سے پہلے اِس شکل میں پہلی بار اِس سال مارچ میں ملاقات کی تھی۔ یہ رہنما کووڈ انیس وبا، حفظان صحت سے متعلق تعاون ، دیرپا اور سب کی شمولیت والی ترقی کو تیز رفتار بنانے، بھارت-یوروپی یونین اقتصادی شراکت داری اور باہمی مفاد کے علاقائی و عالمی معاملات پر تبادلہ خیال کریں گے۔

 یہ میٹنگ سیاسی طور پر ایک سنگ میل کی حیثیت کی حامل ہے اور اِس سے، پچھلے سال جولائی میں منعقدہ 15 ویں بھارت یوروپی یونین سمٹ سے اب تک تعلقات میں جو رفتار دیکھنے میں آئی ہے اسے فروغ حاصل ہوگا۔